Hum home recording sangeetkar, ek behtareen awaaz ki khabhi khatam na hone wali khoj mein lage rehte hain.
Aap sabhi naye plugin khareedatein hain.
Aapke paas bahut keemati studio monitors aur condenser mics hain.
Aap “kaise apni mixes ko pro ki tarah banaye” ki sabhi kitaaben padhtein hain aur saari tips yaad kartein hain.
Sivaay iske ki aapki mixes pro ki tarah NAHI sunayi detin…aisa hai kya?
Asal mein, woh shayad unke kareeb bhi nahi.
Yeh sab parichit lag raha hai? Agar aisa hai, toh aapki kahani kuch aisi sunayi deti hogi:
Ek Aam Kahani Nirasha Ki…
Aap music mix karna seekh rahe hain, kai mahino ya kai saalon se…
Par aisa lagta hai ki har baar jab aap kisi track ko EQ karna chahte hain, aap bina koi soch ya samajh ek ke baad ek badalav karte rehtein hain…kuch na kuch karte rehte hain 10, 20, 30 minton ya usse bhi jyada ke liye…Yeh ummeed mein ki shayad “jaise-taise” uss ek sahi tune tak pahunch jayen.
Aur phir, itni mehnat ke baad..
Aakhir mein, woh awaaz alag toh zaroor sunayi deta hai, PAR…
- aap keh nahi sakte ki woh sach mein achhi sunayi de rahi hai,
- aap yakeen ke saath nahi keh sakte KYUN,
- aur aapko nahi pata aap kya galat kar rahe hain
Sach hai ki yeh sab baatein aapki samasya ki asli jad tak pahunchti hai…
Pros Jo Sunte Hain Aur Aap NAHI
Jaani-suni baat hai ki saare anubhavi engineeron ki ek anokhi ‘6th sense’ hoti hai, jo hum baaki logon ke paas nahi hoti.
Jab woh koi awaaz sunte hain, chahe woh ek hi sangeet upkaran ho ya phir ek puri mix…
Woh iss awaaz ko apne dimag mein hi ‘vishisht frequency bands‘ mein alag kar sakte hain, aur sahaj hi jaan sakte hain kaunsi bands jyada mazboot hain aur kaunsi dusron ki tulna mein kamzor.
Iske natije se, unke mixing faisaley saavdhan aur udeshyapoorn hote hain…kyunki kewal sunn ke hi, woh jaan sakte hain kya gadbad hai, aur usse kaise theek karna hai.
Isliye aap uss uttam engineer ko apne sadhaaran home studio mein daal sakte hain, aur apne aap ko unke croron ke pro studio mein daal sakte hain…
Aur PHIR BHI woh aapse behter mix bana sakenge… HAR BAAR..
Sawaal hai ki…
Kya yeh yogyata SEEKHI ja sakti hai?
Jab pehle aapko ehsaas hota hai ki aapke kaan hi musibat ki asli jad hain… yeh baat bahut nirasha janak baat hai.
Kyunki agar yeh aapke upkaranon ki galti hoti… kum se kum aapko pata hota ki aap apne paise bacha kar, behter upkaran khareed sakte hain aur aakhir mein apni samasya ka samadhaan kar sakte hain.
Par aap apne KAAN kaise theek kar sakte hain?
Parampara sahit, pros ki tarah unn “frequencies sunne” ki kshamta ko badhane ke liye…
Aap wohi karen jo unhone kiya, jo hai…studio mein sekdon ghante bitaiye apne guru ke saath, aur dheere-dheere unke saare tarike seekhiye varshon mein.
Samasya yeh hai…humare jaise 99% logon ke paas iss raste pe chalne ki naahi yeh suvidha hai aur naahi koi ichha.
Kismat se, humare paas ek dusra raasta hai…
Sangeetkaaron Ke Liye Kaanon Ki Training ka Samadhaan
Pehle jab maine yeh software ka naam suna, Train Your Ears dwara, main bahut hi utsahit ho gaya.
Kya yeh saral sadhan sach-much mein hum jaise saadharan logon ke kaan tez kar sakta hai?
Yeh ashajanak toh dikh raha tha, par main iski aur chhan-been karna chahta tha.
Aur phir maine jaana, yeh software ek sikhane ke pramanit tareeke par adhaarit kiya gaya hai, jo ki kai dashkon se uplabdh hai.
Yahan Dekhiye Yeh Kaise Kaam Karta Hai…
Iss takhnik ka buniyaidi tareeka asaan hai:
- Aap awaaz sunte hain (koi shor ya dhun).
- Aap usse PHIR SE sunte hain, kuch EQ badlavon ke saath.
- Aapko andaaza lagana hai unn badlavon ka.
- Aap apne sahi jawaabon ki jaanch kariye.
Yeh kuch jyada hi aasaan sunayi de raha hai?
Par jab aap iske baare mein thoda soch-vichaar karenge, toh yeh dekhenge ki dimaag ki unnati karna aur turant dusri awaazon ki frequencies pehchanne ke liye…
Aur koi bhi raasta, inn 4 asaan tareekon se behtar NAHI hai.
Par sawal hai ki…
YEH software kyun?
Mera pehla vichaar jab maine iss taknik ke baare mein jaana:
Mujhe iske liye software kyun chahiye? Main kyun na apne sahyogi ke saath yeh abhyaas karoon?
Aur yeh sach hai…aap kar sakten hain.
Par phir mujhe samajh mein aaya, kyun bahut kam logon ke paas yeh kala hai…kyunki bahut kam logon ke paas aisa sahyogi hota hai, jo itni der saath baith sake taaki aap yeh abhyaas seekh payen.
Aur ISILIYE yeh software bahut badhiya hai.
Yeh aapke saath hai jab bhi aap iske saath abhyaas karna chahtein hain…
Aur iss software ki visheshtain aapko 10 guna jyada tez abhyaas karayengi, jo aap apne sahyogi ke saath kabhi nahi kar payenge.
Yeh software kya sab kar sakta hain, puri tarah jaanne ke liye, niche ki video dekhen: