Jab baat hoti hai microphones ki, toh pehla sawaal jo nausikhiyon ke mann mein aata hai, woh hai:
Vocals ki recording ke liye kaunsa mic sabse achha hai?
Kher, sach toh yeh hai ki…
Sabse “BEHTEREEN” vocal mics ki list mein Rs. 2 lakh se niche KUCH BHI NAHI hoga. Aur ek saadharan studio ke liye yeh mumkin nahi.
Par achhi khabar hai ki…
Isse kaafi saste aur achhe vikalp maujood hai.
Aur aaj ki post mein, main aapko kai udhaaran doonga, mere top 7 Sabse Badhiya Vocal Mics Rs. 50,000 se kam ki list se.
Pehla mic hai…
1. Shure SM58
Kaafi lambe samay se, Shure SM58 ne “Duniya Mein Sabse Lokpriya Vocal Mic” ka taaj sambhaale rakha hai…
Aap apne pasandida sangeetkaron ki on-stage tasveeren dekhiye, aur 90% samay aap unhe SM58 pakadte hue dekhenge.
Aur yeh hai kyunki…iski resistance to feedback, tikau casing, aur ergonomic capsule isse bahut achha banate hai live performances ke liye.
Aur yeh utna hi achha kaam karta hai studio mein…
Aapko nahi lag raha hoga ki pro studios apne aseemit budgets ke saath ek Rs. 6,000 ka mic istemaal karte honge vocals ki recording ke liye. Lekin aisa har samay hota hai.
Aur isiliye Shure mic ek spasht vikalp hai KISI bhi naye studio ke liye.
Ab, dynamic mics jaise ki sm58 bahut achhe hai kuch tarah ke sangeet ke liye. Par bade diaphragm ke condensers aam taur par bharosemand mics hai vocals ke liye…
Aur yahi mera agla chunaav hai…
2. Rode NT1A
Jab baat hoti hai madhya-daam ke vocal mics ki, Rode Microphones sabse sarvashreshth hain.
Aur isiliye, Rode NT1A iss list ke sirf do condenser mics ka pehla hai.
“Sabse Saste Vocal Mics” ki category mein, yeh ek pasandida hai.
Daam, sound quality aur pratishtha ka mel, iss mic ko ek spasht vikalp banate hai aapke pehle vocal mic ke liye.
Saari duniya ke home studios mein, inse jyada mushhoor shayad koi nahi.
Ab jab humne mere #1 dynamic aur condenser mics ki pasand ko dekh liye hai, inke do dusre vikalpon ki oar bhi dekhte hai.
Pehle hai, dynamic mics…
3. Shure SM7B
Dynamic microphones ki duniya mein…
Shure SM7B kuch mein se ek aisa vikalp hai jo ki KHAASKAR banaya gaya hai vocals ke liye.
Iske do samaanya kaam hai:
- Radio Broadcasting
- CHILLATE HUE Rock Vocals
Khaaskar rock vocals ke liye, yeh ek industry standard hai.
Vaastav mein, iss microphone ka original version, SM7 kisi waqt lagbhag sabhi rock stars dwara istemaal kiya gaya tha, iske 1976 ke release ke baad.
Sabse mushhoor udhaaran hai Michael Jackson ki prasidhh album Thriller.
- Naye daam ke liye yahan click karen– (Amazon)
Ab aage, ek aur asia dynamic mic hai jo shayad isse bhi jyada mushhoor hai…
4. Sennheiser MD421
Paramparik taur pe yeh ek “vocal mic” ki tarah nahi jaana jaata…
Sennheiser MD421 jaana jaata hai “Sabse Behtereen All-Around Dynamic Mic” iss duniya ka.
Yeh vocals ke liye bahut achha hai, HAAN. Par yeh isse aur bahut kuch kar sakta hai…
Yeh electric guitar, drums, bass, percussion, aur lagbhag kisi bhi cheez ke saath kaam kar sakta hai.
Toh agar bahumukhta hi aapko chahiye, toh main iss mic ki bahut sifarish karta hoon.
- Naye daam ke liye yahan click karen– (Amazon)
Ab badhte hain kuch condenser mics ki taraf…
5. Rode NTK
Jyadatar visheshagya sehmat hain…vocals ke liye, ek tube mic ki gunguni vintage awaaz se behter kuch nahi.
Toh vocals ki recording ke liye top mics ki list par…humare paas EK toh hona zaroori hai, hai na?
Samasya hai ki….jyadatar tube mics ki keemat Rs. 2 lakh ya phir jyada ki hoti hai.
Par aise kuch exceptions hai. Aur iss “Rs. 50,000 se kam” mein Rode NTK se behter koi nahi.
Agar aapko woh vintage “tube sound” chahiye, toh main iss mic ki bahut sifarish karta hoon.
- Naye daam ke liye yahan click karen– (Amazon)
Ab aage badhte hain uss mic ki oar jo apni bahumukhta ke liye jaana jaata hai…
6. sE Electronics sE2200a II
Iss list mein jitne bhi mics hai, sE Electronics sE2200a II par sabse jyada sawaal uthne ki sambhavna hai.
Aakhirkar, yeh naahi ek classic aur naahi ek vocal mic ki tarah jaana jaata hai. Par phir bhi…
Agar ek tarah ka mic hai jo har studio ke paas hona chahiye…woh hai ek multi-pattern bade diaphragm ka condenser.
Aur iska kaaran hai ki…yeh bahut bahumukhi hote hai. Vocals ke saath achha kaam karne ke atirikt, yeh ek zaroorat hai stereo recording ke liye.
Iss category ke jyadatar mics bahut mehenge hote hai. Par ek mushhoor exception hai…sE Electronics sE220a II.
Agar aapko ek aisa mic chahiye jo ki achhi awaaz de, sirf vocals ke liye hi nahi, toh main iski bahut sifarish karta hoon.
Ab iss list ke aakhri mic ke liye, maine ek bahut khaas ko bacha rakha hai…
7. Neumann TLM 102
Home studio mandalon mein, kuch isse “Vocal Mics ka Shikhar” maante hain…
Kyunki Rs. 65,000 se niche, Neumann TLM 102 sabse achha vikalp hai.
Agar aapne Neumann Company ka naam pehle suna hai…
Tab aapko inki lambi puraani prathishta, Duniye ke Sabse Sarvashreshth Microphones ke nirmaata ke baare mein bhi pata hoga.
KHAASKAR, jab baat hoti hai vocal mics ki.
Samasya hai daam. Inke kai badhiya models Rs. 2 lakh se upar ke hote hain.
Par apni TLM mics ki nayi line ke saath, Neumann ne apni “classic awaaz” ko kaafi kiphayati bana liya aam aadmi ke liye.
TLM mics mein, koi Neumman TLM102 se jyada mushhoor nahi.
- Naye daam ke liye yahan click karen– (Amazon)
Aur aisa hi, par thoda aur mehenga version iss mic ka jo aapko dekh lena chahiye, woh hai Neumann TLM103 – (Amazon)
Bas, yahi
Kher doston, yeh hui puri list. Aasha karta hoon aapko maza aaya hai.