Ek samay aata hai hum sab ke liye…
Jab humare audio interface ke mic preamps utna achha kaam nahi karte…
Aur hume kuch aur JYADA chahiye.
Kuch logon ke liye, aisa hai kyunki unhe jyada channels chahiye bands record karne ke liye.
Dusron ke liye, aisa hai kyunki unhe EK premium channel chahiye apne vocals ko chamkaane ke liye.
Jo bhi AAPKA kaaran ho, iss post mein, maine aapko cover kar liya hai.
Kyunki woh 9 preamps, jinke baare mein hum aaj baat karenge…
Maine inn nichli categories mein se pratyek ke 3 badhiya vikalp chunne hain:
- Multi-channel BUDGET preamps
- Multi-channel HIGH-END preamps
- Single-channel preamps
Pehle hai…
Multi-Channel Budget Preamps
Bands ko record karne ke liye, aise audio interface ka hona ZAROORI hai, jismein kaafi input channels ho, hai na?
Par kyunki jyadatar interfaces mein har channel ke liye ek mic pre nahi hota, aapko ek multi-channel mic preamp ki BHI zaroorat padegi.
Home studios ke liye sabse kiphayati vikalpon mein se, yahan dekhiye mere teen pasandida:
1. Presonus Digimax D8
Agar achha, sasta gear hi aapko chahiye…
Presonus se badhiya company nahi.
Aur weh iss tathya ka pradarshan karte hai Digimax D8 ke saath.
Iss list ka sabse sasta preamp, ismein woh sab khaasiyatein hain jinki aapko zaroorat hogi, jinmein shaamil:
- 8 mic pre’s
- 2 DI inputs
- Har channel par ek pad
- 24-bit/48kHz digital conversion
Kuch preamps ke vipareet, D8 sabhi mic inputs ko peeche rakhta hai, jisse aapka rack saamne saaf-suthra rehta hai.
Aur apne rack ke peeche saaf rakhne ke liye, ismein ek ADAT out hai jo SABHI 8 channels ko aapke interface tak bhejta hai ek akele digital cable mein. Aur agar aap 8 TRS outputs pasand karte hai, ismein woh bhi hai.
- Naye daam ke liye yahan click kare – (Amazon)
D8 ki meri ek alochana hai ki…
Phantom power switches peeche ke panel par hain, jisse untak pahunchna mushkil hai ek baar jab unit rack par daala gaya hai.
Niji taur par, main inhe saamne pasand karta hoon. Jis kaaran, mujhe yeh agla vikalp jyada pasand hai…
2. Art Tube Opto 8
Agar aap preamps ke prashansak hai…
Toh phir Art Tube Opto 8 shayad woh hai jiski aapko talaash thi.
Ismein Digimax D8 ke woh sabhi features hai jinke baare mein zikr kiya gaya hai, thode kuch extras ke saath.
D8 ki tulna mein, jo sirf gain control aur pad pradaan karta hai front panel par…
Tube Opto 8 mein yeh bhi shaamil hai:
- ek high-pass filter
- ek phase switch
- ek output control
Aur kyunki phantom power ki switch aage ki taraf hai, toh har baar jab aap condenser mic badalte hai, aapko baar-baar apne rack ke peeche jaane ki zaroorat nahi.
Thode kuch rupaiyon mein…Art Tube Opto 8 bilkul wohi ho sakta hai jo aap chaahte hain.
- Naye daam ke liye yahan click kare – (Amazon)
Ab aage…
3. Focusrite Octopre MkII
Art Tube Opto 8 ke wohi basic features ke saath…
Focusrite Octopre MkII cheezon ko kuch aur aage le jaata hai…
96kHz tak ke digital conversion ko jodkar.
Iss sample rate par, ADAT outputs audio ke sirf 4 channels lete hain, saamanya 48kHz ke 8 channels ki tulna mein.
Iska matlab hai ki Octopore MkII mein ek ki bajay, do ADAT outs shaamil hai.
Aur jabki pichle do brands jinhe humne dekha hai (Digimax aur ART) apne preamps ke liye itne jaane maane nahi…Focusright bilkul HAI.
Toh yeh hua ek aur bonus.
- Naye daam ke liye yahan click kare – (Amazon)
Ab kuch daami vikalpon ki oar badhte hain…
Multi-Channel Unnche Sire ke Preamps
Kuch log maante hai ki, apne microphones ki poori kshamta ko SACH mein sunne ke liye…
Ek bahut achha preamp AAVASHYAK hai.
Aur jabki hum mein se kuch hi SABSE BEHTEREEN khareed sakte hai, unn logon ke liye jo aisa kar SAKTE hai, yahan dekhiye meri sifarish:
1. API 3124+
Unnche-sire ke preamps ki achhi cheez hai ki…
Agar aap dhyaan denge, inmein lagbhag utne features nahi budget models ki tarah.
Phir bhi inka daam kai guna jyada hai. Yahan dekhiye kyun:
Pro audio equipment ki ek aam philosophy hai:
- Budget gear aam taur par kai saare kaam theek-thaak kar lete hain, aur…
- High-end gear EK kaam bahut achhe se karte hain.
API3124+ ek behtereen udhaaran hai iss baat ka. Ek nazar daaliye saamne ke panel par aur aap dekhenge ki yeh kitna asaan hai.
Ismein 4 channels hai, 4 DI inputs ke saath, aur saare standard buttons, aur kuch bhi ajeeb nahi. Bajaay iske, ki iski awaaz kaisi hai.
Ussi prasidhh preamp circuits ka istemaal kar jo sirf API consoles mein dekhe jaate hain, API3124+ ek atulniya quality deta hai, abhi tak ke jitne bhi preamps humne dekhen hain.
Agar aap isse khareed sakte hai, aap isse behter preamp shayad hi payenge.
- Naye daam ke liye yahan click kare – (Amazon)
Ab aage…
2. Solid State Logic Alpha VHD
Apne ultra-high mixing consoles ke liye jaana gaya…
Solid State Logic (SSL) pro audio ke top naamon mein se hai jo sthapit hue 1969 mein.
Abhi haal hi mein, home studios ki badhti hui mushhoorta ke saath…
Inhone apni line ko badhaya kai chhote products ko shaamil kar, jo quality ka wohi standard dete hain.
Unka naya behtereen nirmaan hai, Solid State Logic Alpha VHD, jo wohi preamp circuits istemaal karta hai jaise unka flagship model Dulaity console.
Pehli nazar mein, front panel layout API3124+ ka modern version dikh raha hoga. Lekin ek aisa feature jo khaaskar ubhar aata hai…
Variable Harmonic Drive (VHD) ke naam se jaana jaata hai, yeh control 2nd aur 3rd order harmonic distortion daalta hai, aur jaisa aap chaahe aap usse waise hi mila sakte hain.
Unn sab ke liye jinhe nahi pata…
Second order harmonics mein ek mulaayam “tube-jaisi” distortion hoti hai, jabki third order mein ek kadi “transistor-jaisi” tone hoti hai.
Jahan tak ki mujhe pata hai, koi bhi dusra preamp market mein aise shaandaar features nahi deta.
- Naye daam ke liye yahan click kare – (Amazon)
Ab aage…
3. True Systems Precision 8
Kyunki kai setups ko 4 se jyada extra channels chahiye hote hain…
Maine socha main kam se kam EK high-end 8-channel preamp shaamil karun sab ko khush rakhne ke liye.
Samasya hai ki…duniya ke sabse behtereen 8-channel preamps ki list mein, kuch hi honge jo Rs. 60,000 se kam ke ho.
Phir bhi, True Systems Precision 8, unmein se ek aisa hai jo sirf isse aadhe daam ka hai.
Uski shaandaar awaaz ke atirikt, yeh 3 bilkul anokhe features deta hai, jo zikr ke laayak hain:
- DB-25 output – jo aapko analog audio ke sabhi 8 channels bhejne deta hai ek akele snake cable ke saath.
- Mid/Side encoding – jo aapko asaani se mid/side stereo record karne deta hai channels 1 aur 2 par, bina apne DAW ke andar complicated routing kiye.
- 1.5 Hz – 500kHz frequency range – jo manushya ki sunne ki kshamta se kahin dur hai, spectrum ke dono siron par. Koi dusra preamp, jisse main jaanta hoon, inn aankdon ke kareeb bhi nahi aata.
Isse yahan dekhen:
- Naye daam ke liye yahan click kare – (Amazon)
Ab aage…
Single Channel Preamps
Zaroor…achha hota agar hum sab ke paas 4-8 high end preamp channels hote, par phir…
Sabhi utne nahi KHAREED sakte…aur sabhi ko utno ki ZAROORAT nahi.
Udhaaran ke liye, kuch logon ko sirf EK chahiye vocals ke liye. Aur agar aapko bas wohi chahiye, yahan dekhiye meri sifarish:
1. Universal Audio SOLO/610
Agar aapne Universal Audio gear ke saath pehle anubhav kiya hai…
Tab aapko pehle se hi pata hoga…
Kuch bhi jismein woh signature UA stamp hota hai, woh bahut badhiyaan hain.
Aur Universal Audio SOLO/610, jismein classic Putnam 610 console ke jaise hi preamps istemaal hote hai koi exception nahi.
Jaise ki jyadatar high-end preamps, yeh asaan, bina taamjhaam design istemaal karta hai. Itna saral ki peeche, sirf do connections hain:
- 1 XLR input
- 1 XLR output
Aur bas.
Iss list ke dusre preamps ke vipareet, ismein ek stand alone portable design hai, aur ek carrying handle upar.
- Naye daam ke liye yahan click kare – (Amazon)
Aur aise hi UA mic pre’s ko bhi dekhen:
- Universal Audio LA-610 Mk II – (Amazon) jo 610 mic pre ko ek T4 optical compressor se jodta hai.
- Universal Audio 6176 – (Amazon) jo 610B ko classic 1176LN Limiter ke saath jodta hai.
Ab aage…
2. Grace Design m101
Pichle dino 1990 mein, Michael Grace ne Grace Design company ki sthapna ki…
Jo sirf kuch unnche-sire ke boutique mic preamps banate the.
Aur inhe itni der nahi lagi industry ke top naamon mein mushhoorta paane ki.
Jabki inka jyadatar samaan home studios ki budget se kahin dur hai, Grace Design m101 unmein se kuch preamps hai jo inke dusre preamps ki tulna mein kaafi sasta hai.
Bahut lokpriya Model 101 pre se ek bahut bada sudhaar, M101 banaya gaya tha sirf behtereen components se, apne pratiyogiyon se bejod.
Apne pristine awaaz ke ilaava, iss preamp ka ek khaas feature hai iska anokha “ribbon mode”, jo khaas banaya gaya hai aapke naazuk ribbon mics ki raksha karne ke liye, jisse weh apni behtereen performance de sakte hain.
Kulmilakar, yeh ek badhiya vikalp hai.
- Naye daam ke liye yahan click kare – (Amazon)
List mein aakhri, humare paas hai…
3. Avalon VT-737sp
Pichle do amps ke saral, bina taamjhaam designs ki tulna mein…
Avalon VT-737sp iska bilkul ULTA karta hai.
Ek mic pre se kahin jyada…
VT7373sp ek tube amp hai, ek sweepable EQ se saath, ek opto-compressor, aur dher saare dusre features bhi.
Kai log sochenge ki yeh sabse mushhoor channel strip hai aaj ke aadhunik samay ka.
Front panels par kai saare controls ke saath, yeh shayad thoda bhaybheet kar raha hoga pehli nazar mein. Toh yahan dekhiye ismein kya-kya shaamil hai:
- 3 inputs – mic, instrument, line
- 4 input mode switches – hi gain, +48V, phase, filter
- 4 compressor controls – threshold, compression, attack, release
- vintage VU meter
- EQ controls ka khazaana – 4 bands, hi/low shelves, Q control
Ek akele channel par sarvottam control paane ke liye…ISS preamp ki aapko zaroorat hai.
- Naye daam ke liye yahan click kare – (Amazon)