Pichle dinon mein, 90’s se jab home recording pehle shuru hui…
Aur DAW ke shuruaati versions aane shuru hue…
Logon ne hamesha behes ki hai, ki kaunsa sabse accha hai.
Aur jaise-jaise vikalp aur behter hone lage, yeh charcha badhti gayi.
Nausihkiye jo shuruaat kar rahe hain, unke liye ek kathhin nirnay hai, hai na?
Toh aap logon ki iss bahut aam samasya mein madadd karne ke liye…
Aaj ki post mein maine ek gehari guide banayi hai jo ki sabse behtereen DAW 2016 ke baare mein batati hai…
Par ismein jaane se pehle, main ek sawaal ka jawaab dena chahunga jo aap sab shayad abhi soch rahe honge…
Muft vs. Mulya DAW
Kya muft ke DAW milte hain? Haan.
Kya aapko unhe istemaal karna chahiye?
Mere hisaab se…Nahi.
Par agar mera kaha nahi maan sakte, toh apne aap istemaal karke dekhiye.
Niji taur pe, main Audacity ki salah deta hoon, kyunki yeh duniya ka sabse mushoor DAW hai.
Iss waqt, aapke paas do vikalp hain:
- 2 hafte barbaad kijiye Audacity ke saath khelte hue, sirf yahi paane ke liye ki aapko kuch aur behter chahiye.
- Ya phir, isse chodkar, abhi kuch behter khareed lijiye.
Agar aap vikalp 1 chunte hain, toh main aapko 2 hafton mein milta hoon.
Agar aap vikalp 2 chunte hain, toh aage badhtein hain…
Limited vs. Full Versions
Ek bekaar muft ke DAW se behter hai…aap hoshiyaar ban DAW ka ek mulya “limited” version khareediye.
Bahut saari companiyaan aisa vikalp deti hai, visheshkar chhote home studios ke liye jo ki budget par hain.
Jyadatar woh saste hain, aur kai muft bhi, phir bhi unmein 95% ke woh saari vishestayein hoti hai full versions ki tarah.
Kyunki sirf advanced engineers unn “premium” features ka istemaal karte hain, aap inki kami mehsoos bhi nahi karenge.
Aur agar aap upgrade karna chahtein hai ek professional platform par kisi din, aap aisa kar saktein hai bina ek naye DAW ko poora seekhne ki bajay.
Toh agar aap shuruaat karna chahtein hai kisi muft (ya sasti) cheez se, toh YAHI yojana ki main aapko salah deta hoon.
Aage badhte hai…
2016 ke Top DAW
Aankada lijiye 1,000 studios ka aur unko poochiye woh kaunsa DAW pasand karte hain…aur aap bahut saare alag rakam ke sujaav payenge.
Par agar aap “maahiron” ki salah lenge, toh kuch naam baar-baar aate rahenge. Kyunki yeh wohi hai jinhone itne saalon se indutry mein apna kaam kaayam kiya hua hai.
Aur kyunki har ek DAW inmein se bahut saari hits banane ke liye istemaal kiya gaya hai, yeh SAB samarth hai acche professional results dene ke liye.
Toh inn sab ko yahan dekhiye, kisi vishesh kram mein nahi, shuru karte hain…
1. Presonus Studio One 3
Lambe samay se audio industry mein jaana gaya hai apne quality hardware, kiphayati daamon ke liye…
Presonus ne haal hi mein faesala kiya apne khud ki DAW line nikaalne ka.
Toh kai Steinberg Cubase ke developers ki madadd se…
Presonus ne apne pehla version Studio One ka pradarshan kiya 2009 mein.
Tab se, yeh jald hi ek mahetvapurn pratiyogi ban gaya dusre top DAW’s ka.
Niche click kijiye har ek version ko dekhne ke liye.
- Studio One PRIME – (free download)
- Studio One ARTIST – (Amazon)
- Studio One PROFESSIONAL – (Amazon)
Bedroom producers iss DAW ko bahut aakarshak maante hain, kyunki Studio One Artist muft mein diya gaya hai, inn niche likhe gaye audio interfaces ke saath:
- PreSonus AudioBox USB – (Amazon)
- Presonus AudioBox 22VSL – (Amazon)
- Presonus Audiobox 44VSL – (Amazon)
Ab aage…
2. Cakewalk SONAR
Jabki yeh mera sabse kum pasandida vikalp hai list mein se…
Cakewalk Sonar abhi kai saalon se top DAW’s ki shreni mein se hai…
Aur nishchit roop se iske baare mein batana zaroori hai.
Par mujhe yeh itna khaas kyun nahi lagta, iski vajah hai:
Aaj kal, vaastav mein, sabhi top DAW cross-compatible hotein hain dono Windows aur Mac ke saath…
Par kisi vajah se, Sonar sirf Windows ke liye program hai.
PC premi iske upar dhayaan nahi denge, par BAHUT jyada sangeetkaar Mac premi hai.
Aur agar aap unke saath KABHI sahyog karna chahenge…toh Sonar shayad aapke liye achha vikalp NAHI hai.
Yeh kehne ke baad, yahan dekhiye 2 cheezein jo mujhe Sonar mein pasand hain:
- X3 aur Studio versions bahut kiphayati hain.
- Sonar serial number istemaal karta hai apne software ko unlock karne ke liye, unn complicated USB dongles ke bajaay jo ki dusre DAW istemaal karte hain.
Niche click kijiye daam/reviews dekhne ke liye, har ek version ka.
- Cakewalk Sonar ARTIST – (Amazon)
- Cakewalk Sonar PROFESSIONAL – (Amazon)
- Cakewalk Sonar PLATINUM – (Amazon)
Aage dusra…
3. FL Studio
Pehle se jaana gaya tha Fruity Loops se…par kai bhaag-daud kar Kelloggs ke saath, kisko pata tha log isse nashte ka khaana samjhenge…
1o saal se jyada ke baad, Image-Line ne apna naam aadhikaarik taur se badal kar FL Studio rakh liya.
Ek top vikalp Hip-Hop, EDM sangeetkar aur Dj’s ki…
Yeh kaafi bada hit hai ‘in-the-box‘ producers ke saath, aur iski vajah:
- spreadsheet jaisi Playlist
- lachila (flexible) Piano roll
- extensive automation kshamtayein
Ek achhi cheez FL Studio ki yeh hai…ki yeh sirf ek hi DAW hai list par jo ki MUFT lifetime updates deta hai.
Ek baar khareediye inka Producer ya phir Signature package aur aapko phir kabhi inhe paise dene ki zaroorat nahi…kabhi bhi. Bahut badhiya hai, hai na?
Niche click kijiye daam/reviews dekhne ke liye, har ek version ka.
Dhyaan de: Fruity Edition mein audio recording nahi hai…toh isse bachein agar aap SIRF electronic music produce kartein hain.
Yeh ek achha mobile version bhi dete hain, jisse FL Studio Mobile ke naam se jaana jata hai.
Ab aage…
4. Propellerhead Reason
Aapke aam DAW se kahin jyada…
Propellerhead Reason ek BAHUT BADI feature deta hai, jo dusre nahi dete.
Iske atirikt ki yeh ek mazboot stand-alone DAW hai…
Yeh kaam karta hai ek suite of virtual instruments ke saath jo istemaal kiye ja sakte hain dusre DAW’s ke saath.
Iske kaaran, electronic musicians kisi bhi producers ke saath kaam kar saktein hai, kisi bhi platform par.
Jin logon ko ek ASLI analog gear ka aakaar aur mehsoos pasand hai…
Iska visual interface ek vaastav ke studio rack ki tarah dikhta hai, jo ki rear access detein hai cable patching mein.
Toh agar aapko virtual instruments pasand hain, Reason achha vikalp hai ek aur baar dekhne ke liye.
Niche click karen har version ke daam dekhne ke liye.
Ab aage…
5. Ableton Live
Ableton Live itna anokha kaise hai…
Yeh live performances ke liye banaya gaya tha shuruaat mein.
Aur tab se yeh ek poora recording package ban gaya hai…
‘Seamless live performing’ phir bhi iski sabse badi khaasiyat hai.
Iss tatva ka pradarshan kiya gaya hai, pehle, ek visual interface ke saath jo ki poori tarah ek laptop screen mein fit ho jati hai.
Aur dusra, KAI teesri partyiaan jinhone hardware controllers ko iss software ke liye design kiya hai.
Sabse mushhoor inmein se:
- Ableton Push 2 (w/Live 9 Intro) – (Amazon)
- Akai Professional APC Mini – (Amazon)
- Novation Launchpad – (Amazon)
Agar aapko ek live-performance saadhan chahiye, toh main Ableton Live ki salah deta hoon.
Niche click kijiye daam/reviews ko dekhne ke liye, har ek version ka:
Ab agla…
6. MOTU Digital Performer
Sabse purana DAW astitva mein…
Pehla version Digital Performer ka aaya tha 1990 mein…
Pehle design kiya gaya tha ek front-end Digidesign system ke liye, jo ki baad mein Pro Tools ban gaya.
Pehle “MIDI only” versions the software ke 1984 mein.
Iss samay, Digital Performer jaana jaata tha mushhoor taur pe ek “Mac only” options ke jaise.
Aur yeh unn dino ek badi baat thi, aur aaj toh aur bhi, jyadatar audio professionals Apple ko bahut pasand karte hain.
Kher, iss wajah se, yeh shayad kai dusre grahakon ko shaamil nahi kar paye. Par ab aisa nahi…
Kyunki inki nayi release se, inhone aakhir mein ek Windows ke saath cross-compatible version bana liya hai.
Mujhe lagta hai, aisa toh hona hi tha, hai na? 🙂
- Digital Performer 9 – (Amazon)
Aage badhte hue…
7. Steinberg Cubase
Ab DUSRA “purana saathi” iss list par…
Mool version Cubase ka jo ki release kiya gaya tha Steinberg dwara 1989 mein, uss samay sirf MIDI tha.
Uske kuch hi der baad, 1992 mein, unhonien DO pramukh sudhaar kiye iss software mein…
Aur DONO audio ke liye support, aur Windows compatibility ko ismein dala.
Aur uss waqt se lekar, woh iss takhneek ko aage badhate gaye, aur bahut saari takhneekhi kaamiyabiyaan karte gaye music industry ke liye.
Inka sabse bada prasidhh hone ka dava tha inke VST plugins 1996 mein aur VST instruments 1999 mein, jo dono hi ek industry standard ban gaye kai saalon ke liye.
Aur aaj bhi, Cubase kisi na kisi tarah se utna hi khaas hai jitna ki kai dashkon pehla tha.
Niche click kijiye daam/reviews dekhne ke liye, har ek version ka.
- Steinberg Cubase Elements – (Amazon)
- Steinberg Cubase Artist 8.5 – (Amazon)
- Steinberg Cubase Pro 8.5 – (Amazon)
Agla hai…
8. Cockos Reaper
2004 mein sthapit…
Cockos Incorporated ke developers ne Reaper (Rapid Environment for Audio Prototyping and Efficient Recording) ka vikaas karna shuru kiya…
Ek anokhi ‘bootstrapping business model’ jo jald hi ek top “alternative” ban gaya mainstream DAW’s ke liye.
Koi advertising budget ke begair, Reaper apni mushhoorta bana saka sirf logon ke muh ki baat se, unn utsahik grahakon dwara jinhone isse istemaal karna bahut pasand kiya.
Reaper ke bikne ka sabse bada kaaran hai, iske bahut saare update releases, jo ki grahakon ke vichaar par kiye jaate hain.
Dusra bikne ka kaaran hai iska daam. Abhi ke liye, yeh ek hi version hai Reaper ka, jo ki muft download kiya ja sakta hai, aur pura apratibandhit istemaal kisi bhi samay seema ke begair.
Unka ek hi nivedan hai, ki 30 din unka software istemaal karne ke baad…aap unka Rs. 4,000 ke discounted license ko kharidiye niji istemaal ke liye, ya phir Rs. 15,000 ka commercial license kharidiye agar aapka business paise bana raha hai.
Aur haan…maine kaha “nivedan“. Unka saara vyapaarik dhaancha unke grahakon ke aadar par adhaarit hai. Phir bhi, kisi tarah Reaper sabse sasta hai kisi bhi aur DAW iss list par se.
Iska muft trial download karne ke liye ya phir iska license khareedne ke liye, yahan click karen.
Ab aage…
9. Apple Logic Pro X
2002 mein, ek chhoti company Emagic ne, Logic ka sabse pehla version banaya…
Jo Apple ko bahut aashajanak laga raha tha…
Kyunki unhone isse bahut jald hi khareed liya.
Aur lagta hai ki yeh bahut hi achha nivesh tha, kyunki tab se Logic aage badh ke duniya ke top DAW’s mein se ban gaya hai.
Koi aashcharya nahi, ki yeh ek hi DAW hai list par jo Windows ke saath compatible NAHI hai.
Aur jahanki PC upyogi shikaayat karenge, Mac upyogi aanand le sakte hain. Aur yahan dekhiye kyun:
Ek “Mac only” platform rakh kar, Logic upyogion ko yeh aashvasan ho sakta hai ki koi bhi aur audio interface jo ki Mac OSX se compatible hai, Logic ke saath bhi hoga.
Aur kyunki aajkal Mac itna mushhoor hai sangeetkaron mein…
Audio interface nirmaata jaante hai hi OSX compatibility ek ZAROORAT hai. Antt mein iska matlab hai BAHUT jyada interface vikalp upyogion ke liye.
Logic Pro X ke sabse aakri version ke liye, aap App Store jaakar iski digital download khareed sakte hai.
Ab jo list mein aakhri hai, woh sab DAW’s ka raja hai…
10. Avid Pro Tools
Aaj ki ghadi mein, Pro Tools gharon mein ek aam naam ban gaya hai.
Kyunki bahut saalon se…
Yeh ek industry standard bana hua hai music recording mein.
Sabhi isse istemaal karte hai…pro studios se lekar home studios tak.
Aur akela yahi, ek takda vichaar hai aapko isse kyun istemaal karna chahiye.
Parichit rahiye magar, ki Pro Tools ke bahut saare shatru bhi hain, kisi aur DAW iss list mein se (aur kaiyon ki jayaz shikayatein bhi hain).
Par iska matlab hai ki koi bhi DAW nishkalank nahi hota, aur sabhi ke acchi aur kharab cheezein hoti hain.
Toh kya Pro Tools sabhi ke liye achha hai? Bilkul nahi. Par agar aap bilkul hi naye hain, aur aapko sach mein nahi pata kahan se shuruaat karni hai, toh main isse ek accha default vikalp ke liye, bahut takdi sifarish karta hoon.
Abhi ke liye, Pro Tools ke 3 vikalp uplabdh hain:
- Pro Tools First – yeh nausikhiyon ke liye hai, jo ki bilkul muft hai aur jo ki download kiya ja sakta hai yahan.
- Pro Tools 12 – beech ka version, jismein Pro Tools Duet, Quartet, aur Eleven Rack interfaces shaamil hotein hain, aur jo ki alag se bikta hai 3rd party interfaces ke istemaal ke liye.
- Pro Tools HD 12 – professional version hai, jo ki aata hai HD Core System ke saath.
Main salah deta hoon ki Pro Tools 12 agar aap isse khareed sakte hai. Aur agar nahi, toh Pro Tools First istemaal karen.
Toh kher, yeh thi saari list, aasha karta hoon aapne iska aanand uthaya hai. 🙂
Ab Aage Kya?
Ab jab aapne DAW chunn liya hai apne studio ke liye, agla mushkil kaam hai isse install karna.
Aur jab main mushkil kehta hoon, toh iska matlab hai MUSHKIL!
Pehli baar mujhe poore do din lage the taaki yeh kaam karna shuru kar sake. Kisi bhi anubhavi vyakti se poochiye jab unhone pehli baar yeh kiya, aur woh shayad aapko ek bhayanak kahani suna denge.
Par yeh samjh lijiye ki thodi takleef hona aam baat hai, aur iska matlab yeh NAHI ki aapka DAW kaam nahi kar raha. Bas yeh waise hi hotein hain.
Dheeraj rakhiye, ki aapko yeh sirf ek hi baar karna padega.
Aur phir, bahut saal ho gaye hai mujhe yeh kiye hue, toh shayad itna kathhin nahi hai jitna ki pehle tha.
Saubhagya aapke saath ho. 🙂