Aajkal sabhi music ki recording vaastav mein digital ho gayi hai…
Toh pehla savaal jo har sangeetkar ke mann mein aata hai, jab woh sangeet utpaadan, yaani, music production, ki shuruaat karte hain:
Mujhe kaunsa computer lena chahiye?
Par mujhe lagta hai ki aapko yeh pehle se hi pata hoga, ki sabhi ke liye ek samaan ka jawaab nahi hota.
Kyunki yeh inn kaaranon par nirbhar hota hai, jaise ki:
- budget
- processing speed
- portability
AAPKE liye jo behter vikalp hai kisi dusre ke liye alag ho sakta hai.
Aur isiliye aaj ki post mein, main aapko woh sab kuch dikhaunga jo aapko ek achhe computer/laptop ke liye chahiye APNE setup ke hisaab se.
Toh chaliye, shuru kartein hai. Pehle hai…
Laptops vs. Desktops
Jaise-jaise takhneek ka vikaas ho raha hai, waise-waise takhneek aur bhi “mobile” hoti jaa rahi hai…
Desktop computers dheere-dheere ek puraane zamaane ki cheez ban gaye hain…
Phir bhi sangeet recording ke liye, yeh wohi hai jo pros istemaal karna chahtein hai.
Yahan dekhiye kyun:
- Yeh jyadatar bahut tez hotein hain– bade hone ke kaaran inmein jyada processing shakti hoti hai, bade power ki maangon ke liye, jaise ki aaj ke DAW’s aur plugins.
- Inmein jyada IN’s/OUT’s hotein hain– jo ki aapko jyada sangathan, aur jyada jatil (sophisticated) routings karne ki jagah detein hai, aapki badhti hui set up ke liye.
- Inmein jyada anukoolan (customization) karne ki jagah hoti hai – jo ki aapko jyada RAM, extra hard drives, additional video cards aur bhi jyada…aapki zaroorat anusaar.
- Yeh shor ki samasya ka samadhaan karte hain– aap apne tower (shor) ko ek dusre kamre mein rakh saktein hai apne studio monitors aur microphones ke saath.
Inn sab khubiyon ke bavajood, desktop computers ki EK kami hai… PORTABILITY.
Aur aaj ki duniye ke DJs aur mobile studios mein, laptop ki portability ek ZAROORAT hai.
Aur…kyunki hum jyadatar ek laptop school/kaam ke liye istemaal kartein hi hai, hume do cheezein khareedni nahi padegi.
Ab, iss samay tak, main sochta hoon ki aapne apna nirnay kar hi liya hoga, aapke liye desktop theek rahega ya phir laptop.
Toh aage badhte hain. Pehle…
Mac vs. PC
Jaanna chahatein hain ek recording geek ko asaani se gussa kaise dilla saktein hain? Yeh sab kijiye:
Agar woh PC istemaal kartein hain apne studio mein unko kahiye Mac behter hai.
Agar woh Mac istemaal kartein hain, toh unko kahiye PC behter hai.
Kyunki kisi ajeeb karan se, yeh vishay bahut hi khatarnaak charcha karvata hai…jo ki bahut der tak chalti hain aur kisi bhi vaastavik natije tak nahi pahunchti.
Sach mein, mujhe EKDUM bhi nahi pasand meri khud ki raay iss vishay mein dena.
Par phir bhi main yeh keh deta hoon:
Niji taur pe, mujhe Macs pasand hai. Sirf recording hi nahi, sabhi cheezon ke liye. Aur aaj kal, jyadatar sangeet ki duniya mein (aur saari duniya mein) sab iss se sehmat hain.
Agar AAP bhi iss se sehmat hain…toh ek Mac le lijiye.
Toh phir PC kyun? Jyadatar inn teenon mein se ek kaaran hai:
- Daam – Macs jyadatar jyada mehenge hote hain PC se, aur sab log inhe khareed nahi sakte.
- Customization – computer nerds jyadatar PC pasand karte hain, kyunki inmein modifications/supercharge karna jyada aasaan hai.
- Windows – kuch logon ko Windows OS pasand hai.
Agar inn teenon mein se koi bhi kaaran aapke liye nahi hai..toh Mac le lijiye.
Par jisse bhi aap chunnte hain, yeh jaan lijiye ki dono mein hi bahut saare sangeet banaye gaye hai, aur yeh vishay itna khaas nahi jitna log isse mante hain.
Yeh sochte hue ki aapne apna mann bana liya hai.. aage badhte hain.
Ab dusra…
Mac Desktops
Mac desktops ke saath, aapke paas 3 vikalp hain:
- Mac Pro
- iMac
- Mac Mini
Ab aise inki tulna ki ja sakti hai:
Pehle, hai Mac Pro.
Studio recording ke liye, aur kuch behter nahi. Kisi bhi pro studio mein nazar daal ke dekhenge…aur sambhavna hai ki aap isse wahan payenge.
Phir bhi…
Sach hai ki: hum jaise jyadatar logon ke liye Mac Pro kuch jyada hi ho jayega. Toh aage hai…iMac.
Jabki itna jyada taakatvar nahi, iMac jyada practical hai ek aam nausikhiye ke setup ke liye, kyunki yeh computer aur monitor ka mel hai ek hi upkaran mein.
Agar aap isse khareed saktein hai, toh yeh kaafi achha vikalp hai adhiktar home studios ke liye.
Agar aap isse NAHI khareed sakte, aapka aakhri vikalp hai Mac Mini.
Kitni baar aapna suna hoga kisi ko kehte hue:
Mujhe Mac chahiye, par yeh bahut mehenge hai. 🙁
Kher, Mac Mini iska jawaab hai ki yeh poori tarah se sach nahi.
Ismein woh speed aur lachak nahi hai jo mehenge models mein hoti hai…par ismein woh SAARI cheezein hain Mac OSX ki, ek bahut ki kiphayati daam mein.
Ab aage…
PC Desktops
Unn logon ke liye jo apne khud ka PC banate hain…
Mujhe koi shaq nahi ki aapko iss topic mein mujhse jyada pata hoga…
Toh…
Agar aap kuch jyada behter assemble kar saktein hai Mac Pro se…toh kar lijiye.
Main darr ke bhi aapko iske virudh salah nahi dunga.
Par agar, aap iss category mein NAHI aate, aur aapko sach mein computers ke baare mein itna nahi pata…
Toh main aapko PC desktops se dur rehne ki salah deta hoon.
Aur yahan hai kyun:
Agar aap PC ke bade fan NAHI hai, toh sirf ek hi kaaran hoga PC ko chunne ka apne studio ke liye, agar aap nausikhye hai, aur woh hai paise bachana.
Aur kyunki sabse bada phayda desktop computers ka hai unki JYADA PROCESSING TAKAT, toh matlab banta hai ki aap aisa desktop na le jo takatwar nahi ho.
Toh agar aapke paas sirf Rs. 35,000 hain kharach karne ke liye, toh aap laptop khareed sakte hai, taaki aapke paas thodi portability bhi ho.
Yeh sab kehne ke baad, aage badte hain….
4 MUKHYA Laptop Specs
Kyunki humne pehle se hi taye kar liye hai ki laptops…ek tareeke se…’thode-kam-achhe’ hain sangeet utpaadan ke liye…
Yahan hai 5 sambhavit ank jo hume nazar mein rakhne chahiye:
- Mechanical Noise – agar aap ek DJ hai kisi shorgul club mein, toh beshaq aapko isse pharak nahi padega. Par bedroom studio mein, pharak padta hai. Ek tareeka iski jaanch karna ka yeh hai ki: aap bahut saare reviews padhiye. Aur dusra tareeka hai: ek SSD (solid state drive) chunne kisi bhi hilte (moving) hue parts ke bina, kisi aur traditional HDD (hard disk drive) ki bajaey.
- Backlit Keys – low-light environments mein, jaise ki lounges aur clubs mein, yeh ek ZAROORAT hain.
- Screen Size – aap soch sakte hain ki yeh koi zaroorat nahi abhi, par agar aapne ek baar thoda samay guzaara hai kisi bhi DAW ke saath, aap jaldi hi jaanege ek badi screen kitni mulyavaan hoti hai.
- Ports – jaise laptops chhote hote ja rahe hai, jitne bhi ins/outs hain woh bhi chhote hote ja rahe hai. Toh dhyaan mein rakhiye ki aapke paas yeh kaafi hai, khareedne se pehle.
Ab kuch laptops ki oar dekhte hain…
Mac Laptops
Mac laptops ke saath aapke paas 3 vikalp hain:
- Macbook Pro
- Macbook Air
- Macbook
Pehle, hai Macbook Pro.
Mera pehla anumaan hai…Macbook Pros sabse jyada mushhoor laptops hain home recording ke liye.
- Yeh atyant tez hai
- Inmein bahut saare inputs hain
- Inmein large screen hai detailed display ke saath
Agar aap inhe khareed sakte hai, toh inhe le lijiye. Agar nahi…
Toh phir Macbook aur Macbook Air dono hi ek dur ke dusre sthaan ke vijeta hain.
Yeh utne tez nahi, aur inmein utni inputs nahi hoti, par yeh bahut hi patle aur halke hain…KHAAS TAUR PE Macbook!
Toh bas. Inhe yahan dekhiye:
Ab aage…
PC Laptops
Ek taraf, PC laptops BAHUT ACHHE hain…
Kyunki aapke paas aseemit vikalp hai inmein se chunne ke liye.
Aur dusri taraf, PC laptops JHANJHAT hai…ussi hi ek kaaran se.
Aur iska matlab hai ki….
Jabki achha hai kai vikalpon ka hona, par jitne jyada vikalp honge aapke paas, utna hi kathhin hota hai:
- vaastav mein ek ko chunna
- nishchit hona ki aapne sahi chunaav kiya hai
- apne nirnaye ko tay karka usse khush hona
Aur durbhagya se, music production ke liye, koi aisa saaf-saaf vijeta nahi, jo ki dusron se behter ho.
Par jyadatar log iss baat se sehmat hai…sabse achhe PC laptops music ke liye sabse behter laptops hote hai aam taur par.
Toh yahan dekhiye 5 sabse mushhoor aur reviewed vikalpon ko:
- HP Envy – (Amazon)
- Asus Zenbook – (Amazon)
- HP Special Edition w/ Beats Audio – (Amazon)
- Dell Inspiron – (Amazon)
- Lenovo Yoga 3 – (Amazon)
Ab aage…
DAW ki System Aavashyaktayein
Ek khaas baat jo dhyaan dene laayak hai aur jiski bahut kam charcha hoti hai…
Woh hai system aavashyaktayein, yaani system requirements, aapke pasand ke DAW ke liye.
Phir bhi inn dino, jyadatar computers compatible hote hain jyadatar DAW’s ke saath…
Kuch kam kisson mein…aisa NAHI hai, toh aapko iski dobara jaanch karni padegi nishchit hone ke liye.
Agar aapke paas apni pasand ka koi DAW nahi hai, ya phir aapko yeh bhi nahi pata ki DAW hota kya hai, toh phir aapko iss bhaag ki chinta karne ki zaroorat nahi.
Phir bhi, unn logon ke liye jinko PATA hai, yahan dekhiye aaj ke har ek top DAW system requirements ke links:
- Presonus Studio One
- Cakewalk Sonar
- FL Studio
- Propellerhead Reason
- Ableton Live
- MOTU Digital Performer
- Steinberg Cubase
- Apple Logic Pro X
- Avid Pro Tools
Ab aage…
3 Aavashyak Computer Accessories
Aakhirkar jab aapne computer chunn liye hai, agla hissa hai ACCESSORIES.
Recording studios ke liye, 3 accessories jinki mein sifarish karta hoon, woh hai:
- keyboard
- mouse
- monitor
Aur yahan dekhiye aapko har ek se kya chahiye…
1. Keyboard
Jabki koi bhi purana keyboard chal sakta hai…
Aapke sampann keyboard mein yeh 3 visheshtayein shaamil honi chahiye:
- DAW shortcut markers – jo ki aapko saare shortcuts BAHUT jald yaad karne mein madadd karte hain.
- Ek number pad – jismein BAHUT SAARE sahayak shortcuts hote hai jyadatar DAW’s ke
- Ek wireless connection – jo ki aapko transport controls istemaal karne ki ijaazat deta hai, kamare ke kisi bhi kone se.
DHYAAN DE: Agar aapke paas laptop abhi se hai, aapke liye phir bhi achha rahega ek external keyboard khareedna. Yeh itne phayedemand hote hain.
Aur yahan dekhiye mere 2 pasandida:
- Logitech Wireless Solar Keyboard – (PC/Mac) – ek number pad aur wireless connection hone ke bavajood, iss keyboard ki ek anokhi visheshta hai jo aap lagbhag kabhi nahi dekhte: surya oorja, yaani, solar power. Jiska matlab koi battery ya cables kabhi bhi nahi.
- LogicKeyboard Custom DAW Keyboards – (website) – asaani se sabse jaana-maana utpaadak software shortcut markers ka, LogicKeyboard ke paas dono custom keyboards aur skin layovers hai kisi bhi kalpaniya DAW/keyboard combo mein se.
Ab aage…
2. Mouse
Phir se…jabki koi bhi purana mouse (ya trackpad) chal jayega…
Ek vaastav mein acche mouse ke saath…
Kuch hi programmable buttons mein aapko access milta hai aapke sabse istemaal kiye gaye DAW shortcuts ka, apne keyboard ko chhooe begair.
Aur yeh ek upkaran aapki kaaryagati ko aur tez bana sakta hai, nihayat roop se.
Jahanki bahut saare anginat mouse hain chunne ke liye…mera sujhaav hai ki Logitech.com se apni khoj shuru karna achha rahega.
Niji taur pe, mera pasandida mouse inki line mein se hai Logitech Performance Mouse MX – (Amazon). Toh agar aap nishchit nahi, kisse khareedne ke liye, main inki bahut sifarish karta hoon.
Kuch aur achhe vikalpon ke liye, inhe bhi dekhen:
3. Computer Monitor
Jab aap pehle home recording ki shuruaat karte hain…
Aap ek VAASTAV MEIN ACHHE monitors ka mulya shaayad turant nahi pehchaan payenge.
Par dheere-dheere, aise ek ke kaam kiye begair kuch hi der mein…
Aap 3 cheezon par dhyaan denge:
- Low resolution ki screens sirf ek chhoti sankhya ke tracks ko dikha sakti hai ek baar mein.
- Flat screen TV’s aksar pixelated lagte hain, aur ajeeb hote hai nazdeek se dekhne ke liye.
- Slower refresh rate ki screens level meters ko nahi dikha pati track ke sync mein.
Koi bhi ek samasya inmein se aapko sata sakti hai. Aur yeh teen ek saath aapko pagal kar dengi.
Aur ek baar jab aisa hoga, main aapko ek achhe external monitor khareedne ki salah deta hoon.
Ek achhe high-end option ke liye, yeh ek udhaaran hai jo ki achha kaam kar sakta hai:
- LG 27″ 4k – (daam)
Ek dusre vikalp ke taur pe, koi bhi standard monitor (iske jaisa) lagbhag utna hi achha kam chala lega.