Mujhe lagta hai ki hum sab iss baat se sehmat ho saktein hain ki mic cables utne zaroori nahi jitne ki, kahiye…
Microphones aur studio monitors hain, hai na?
Bilkul nahi.
Par phir bhi kya yeh zaroori hain?
Kisi bhi audio professional ko yeh savaal poochiye aur aapko shayad koi seedha jawaab NAHI milega.
Kyunki ek taraf woh kahenge:
Cable, ek cable hai. Koi pharak nahi padta.
Par jab aap unke cables ke daam jodenge, toh woh shayad aapke poore studio se mehenga honge.
Unko poochiye unhone wohi cables kyun khareedi, sasti waliyon ki bajay…
Aur jyada log aapko nahi bata sakte, kyunki unko sach mein nahi pata.
Sach hai…hairat ki baat hai ki jyadatar sangeetkaron ko, dono nausikhye aur anubhavion ko, microphone cables ke vishay mein bahut kam pata hai.
Aur naye logon ko bahut pareshaani hoti hai jab woh samjhtein hai ki kitna kathhin hai sirf:
- achhe walon ko bure walon se chhatana, aur…
- apne budget ke anusaar cable dhoond nikaalna.
Toh aaj ki post mein, hum wohi dekhenge.
Shuru karte hain. Pehle hai…
Mool Baatein
Mic cables ke maheen bhaag jaanne se pehle, bahut achha rahega ki aap studio cables ki buniyaidi jaankaari se shuru karen..
Toh agar aapko inn kuch shabdon se parichit nahi hain, jaise ki:
- low impedance/high impedance
- balanced/unbalanced
- XLR/TRS
Toh meri salah hai ki aap pehle iss post ko padhen:
Nahi toh, aage badhte hain…
Budget vs. Premium Cables
Ek jhatpat online search kare mic cables par, aur aap sekdon vikalp dikhenge Rs. 300 se Rs. 7,000 ya phir jyada ke.
Toh jayaz hai ki naye logon ko lagta hai:
Ek acchi cable khareedne ke liye VAASTAV mein kitne paise lagte hain?
Jabki sabke paas iss sawaal ka alag jawaab hoga, standard salah hai ki:
- Sabse sasti cables se bachein (jaise ki woh Chinese wali Ebay par). Yeh kuch hafton mein hi toot jayengi, agar yeh kaam kar payi, aur inhe vaapis karna bahut jhanjhat ka kaam hai.
- Aur agar aapke paas bahut saare paisa nahi hai, toh sabse mehengi walion se bhi bachhe. Yeh achhi hai, par jyadatar logon ke liye…ek chhoti si chhlaang performance mein, kiphayati nahi hai badi chalaang daam mein.
Jyadatar studios ke liye, mein recommend karunga cables jo ki Rs. 1,500 se Rs. 4,000 tak ki hai, kyunki iss daam mein aapko aacha mel milta hai quality aur keemat ka. Sambhavna hai ki aapne yeh salah pehle suni hogi…
Par shayad jo aapne pehle nahi suna, woh hai:
- vishisht kaaran KYUN kuch cables dusri cables se behter chalti hain,
- kaise yeh karan inke daamon mein yogdaan detein hain
Toh chaliye shuru karte hain philhaal ke liye, inke buniyaidi dhaanche se…
Anatomy ek Microphone Cable ki
Jabki saari cables ka aapna anokha design hota hai…
Ek standard design mein 5 mukhya bhaag hotein hain:
- Do Conductors (+/-)
- Insulation
- Fillers
- Shielding
- Outer Jacket
Yahan dekhiye yeh kaise ek saath fit hotein hain:
- Cable ki core mein, do copper wire conductors (+/-) hain, har ek apne-apne insulation mein lapete hue.
- Do wires ek saath moddi gayi hain, aur phir inko cover kiya gaya hai ek filler ke saath, usse bahar se barabar banane ke liye, aur cable ka golaai rakhne ke liye.
- Agla aata hai shielding (jyadatar tamba, ‘copper’), jo ki conductors ko dusri cheezon ki dakhal andaazi se bachata hai.
- Aur aakhir mein, cable cover ki gayi hai ek bahari rubber outer jacket se jo inhe nuksaan se bachaati hain.
Ab jab aapko inke saare hisse pata hain, dekhtein hai yeh quality se kaise alag hote hain…
6 Gunn Premium Cables ke
Kisi bhi high-end mic cable ki ‘product description’ padhiye, aur aap shayad dekhenge ki bahut kam jaankari hai KYUN yeh cable dusron se behter hain.
Aur jyadatar kyunki poori kahani lambi, boring…aur samjhaane ke liye mushkil hoti hai. Yahan iska ek saral vivaran hai:
6 MUKHYA kaaran jo high-end cables ke daam aur karya mein yogdaan dete hai, woh hai:
- Strand Count
- The Lay
- Shielding
- Impact Absorption
- Connector Conductivity
- Star Quad Cabling
Toh chaliye, inn sabke baare mein aur jaante hain…
1. Strand Count
Jab aap kisi mic cable ko alag kartein hai, aap dekhenge ki har copper conductor asal mein bahut saari maheen ladon se bani hui hai, woh sirf ek hi wire nahi hoti.
Jyada strand counts ko jodkar, utpadak inki lachak aur sahansheelta dono ko badha saktein hain. Jo ki khaaskar sahaayak hai unn cables ke liye jinko bahut chheda jaata hai, jaise ki unn haath mein padke jaane wale mics ki.
Beshaq…aise cablon ke daam bhi jyada hotein hain.
2. The Lay
Jab aap do copper conductors ki twisting ko dekhtein hain, aap gaur karenge ki jyada mehengi cables mein jyada twist hotein hain.
Cable utpadak inhe ‘the lay’ ke naam se pukaarte hain, jo ki sahaj taur mein ek maap hai har ek twist ke beech ki doori ka. Jitne jyada twists…unta chhota the lay.
Lay ko chhota karke woh high-end cables, noise cancellation aur lachak DONO ko sudhaar detein hain. Par iska matlab yeh bhi hai ki ismein utpadakon ko jyada samay lagta hai, aur antt mein jyada paise.
3. Shielding
Ek aur cheez aapne dekhi hogi jab aap mic cables kaat te hain, ki aksar inmein shielding alag rakam ki hoti hai, cable ke daam pe nirbhar. 3 sabse aam tarah ki shieldings hai iss prakaar:
- braided shielding – jo ki copper ki latt (braided) ke strands ko istemaal karta hai achhi mazbooti aur sahansheelta ke liye. Aur inke high conductivity ke karan, inmein bahut acchi hi-frequency aur RFI shielding hoti hai.
- serve shielding – jo ki istemaal karta hai chapti (flat) copper strands ko ek disha mein lapet kar. Jabki yeh thodi kam asardaar hoti hai shielding mein, yeh phir bhi acchi lachak deti hai braided shields se.
- foil shielding – jo ki ek mishran istemaal karta hai foil wrapping aur copper drain wire ka. Yeh kam-asardaar hai ek shield ke jaise, aur kahin jyada kamzor, par yeh ek standard vikalp hai permanent installations aur snakes ke liye.
High-end cables mein, braided shields jyadatar istemaal ki jaati hai, aur yeh sabse mehengi hoti hain. Serve shields standard hai mid-range ke cables ke saath. Aur foil shields sabse aam hai budget cables mein.
4. Impact Absorption
Jab ek cable stage par girti hai ya phir koi pair rakh deta hai, uspe kuch samay ke liye dabaav padta hai, jiske kaaran ek spasht thappad jaisi awaaz ‘slapping sound’ sunai deti hai, jisse jaana jaata hai triboelectric effect se…yeh ek badi samasya hai unn cables ke liye jinhe bahut sambhaala jata hai.
Iss samasya ka samaadhaan karne ke liye, high-end stage cables ek khaas material istemaal karte hain insulation, filler, aur outer jacket ke liye, taaki woh behter prabhaav avshoshan, yaani, ‘impact absorption’ kar sake.
Studio cables dusri oar, jinhe utna sambhaalna nahi padta hai, theek hi kaam chala leti hain kam-daam ki casings se.
5. Connector Conductivity
Electrical conductivity ko maximize karne ke liye, utpadak apne connectors ko kai alag tarah ke materials ke saath lapet saktein hai…jinmein se chaandi ‘silver’ aur sona ‘gold’ sabse jyada pasandida hai.
Kuch log kehtein hai ki chaandi behter hai, kyunki ismein jyada conductivity hai sone se (jab woh saaf hoti hai). Par kher, chaandi jaldi kharaab ho jaati hai sone (gold) se, aur kai baar safai karni padti hai achhe kaarya banaye rakhne ke liye…
Isiliye kai log sona pasand karte hai, iske bajaay ki sona jyada mehenga hota hai.
6. Star-Quad Cabling
Yeh nayi takhneek, jo ki jaani jaati hai “star-quad” ya “quad” cabling se, aaj kal bahut charcha mein hai, aur engineer iska phayda dekh rahe hai.
Iss mein istemaal hotein hain 4 chhote conductors (2+/2-), jabki standard mein sirf 2- conductor ka design hota hai…
Quad cabling “loop-area” ko kam kar deta hai, aur electromagentic interference ko iske nateeje se 20db kaat deta hai. Iski vajah se quad cables unn jagahon ke liye khaaskar upyogi hai jinn vatavaranon mein bhaari dakhal andaazi hoti hai aas-paas ke upkaranon se.
Saath hi, takhneeki kaaran jaise ki lower “phase shift” aur kam kiya gaya hua “intermodulation distortion” ki vajah se, quad-cabling samasthya roop se jyada acchi ‘sound quality’ deta hai.
Aur jahanki saadhaaran sangeetkar inke beech ke antar ko nahi sunn pata, anek top audio professionals inki pushti de saktein hai ki inmein antar hai.
Ab agla…
Sabse Behtereen Budget Mic Cables
Ab jab aapko pata hai sasti aur mehengi cables ke beech ke antar ka…ek nazar daalte hai sabse badhiyaan vikalp har ek price range mein.
Agar aapka antim lakshya hai sabse jyada cables, sabse kam daam mein…
Toh yeh sabse badhiyan budget cables hai jinki main salaah deta hoon (lambayi links mein dikhayi gayi hai):
Phir bhi, yeh cables aapka kaam toh zaroor kar payengi…par main bahut sifarish karunga ki agar ho sake toh aap iss dusre group mein se chuniye:
Sabse Behtereen Mid-Range Mic Cables
Jaise ki maine pehla kaha, jyadatar home studios ke liye ek madhya-range, Rs 1500- Rs. 4000 tak ki cables achhi rahengi.
Iss daam mein, yahan kuch top ke vikalp dekhiye:
- Pro Co AQN – (5ft/15ft/20ft/50ft/100ft)
- Mogami Silver – (15ft/25ft/50ft)
- Rapco Horizon N1M1 – (3ft/6ft/10ft/15ft/20ft/25ft/30ft/50ft)
Aur aakhir mein, agar aapko sach mein sabse behtereen chahiye, toh inhe dekhiye…
Sabse Behtereen Premium Mic Cables
Jabki yeh ek sadhaaran home studio ke liye zaroori nahi…
Koi shaq nahi ki premium cables mein sach ka munafa hota hai, jiske kaaran bahut saare log inka daam dene ke liye taiyaar hain.
Toh unn logon ke liye, main inki salah deta hoon:
- Mogami Gold Stage – (20ft/30ft/50ft)
- Mogami Gold Studio – (3ft/6ft/10ft/25ft/50ft)
- Monster Performer 600 – (5ft/10ft/20ft/30ft)
- Monster Studio Pro – (5ft/20ft/30ft)
Ab aage dusra..
Apne Cables ko Anukoolit (Customize) kare
Jab aap pehle shuruaat karte hain, lagbhag sabhi log pehle se kati hui, ‘pre-cut‘, mic cables khareedtein hai.
Par ek sthar par aakar, istemaal nahi ki gayi cables ka dher lag jayega…aur aisa lagta hai ki aap apne paise barbaad kar rahein hain aur cables khareedne ke liye.
Aur aisa hi hai.
Kyunki sirf thoda samay lekar aap seekh saktein hai kaise apni puraani cables ko kaat aur taanka (solder) laga kar, unko baar-baar istemaal kar saktein hai, apne studios ki hamesha badalne wali maangon ke liye.
Ek baar aapne yeh kala seekh li, aap yeh sab kar saktein hain:
- har ek cable ko apne hisaab ki lambaai mein kaat saktein hain
- XLR, TRS aur dusre connectors ko badal saktein hain, apni zaroorat anusaar
- aur apne aap dekh saktein hain kya premium cables mein hai jo ki sasti cables mein nahi
Jabki yeh thoda kathhin lagega shuruaat mein…
Kuch ghanton ke abhyaas mein, aap apne hazaaron rupay bacha saktein hai agle kuch saalon mein.
Agar aapko ismein dilchaspi hai, toh yahan ek achhi video hai jo samjhaati hai ki yeh aap kaise kar sakte hain: