Ek baar jab aapne ek basic working studio ki assembling samasya ko suljha liya hai…
Agla sawaal hai:
Aap sangeet upkaranon ko record karne ke liye inka istemaal kaise kare?
Kyunki aksar, jo pro studios ke liye kaam karta hai, woh home studios mein utna achha kaam nahi karta…
Kyunki gear ki kami ki wajah se hume aksar kuch creative shortcuts ka istemaal karna padta hai.
Aur isiliye, aaj ki post mein…
Main aapko dikhaunga, 5 sabse aam sangeet upkaranon ke kai saare upyogi home recording tareeke:
- Electric Guitar
- Bass
- Acoustic Guitar
- Keyboards
- Drums
(Vocals ke baare mein jaane ke liye yahan click karen.)
Pehle hai…
Electric Guitar ki Recording
Electric guitar record karne ka sabse asaan tareeka hai:
Aap ek mic lijiye jo electric guitar par achha kaam karta ho, usse apne guitar cabinet ke saath lagayiye, aur record dabaiye.
Jahanki, asal mein, pro studios aksar isse thoda aur dur jaate hai, inn nichli cheezon ka istemaal kar, jaise ki:
- amps ka ek combination,
- mics ka ek combination,
- kai jagahon mein rakhe hue,
- apni khud ki “secret recipes” ka mel
Par kyunki thode home studios mein inn advanced takhneekon ka gear hota hain…
Yahan dekhiye kya kiya ja sakta hai:
1. Direct Box ke saath Record Karna
Apne guitar ko direct box (jaisa ki tasveer mein dikhaya gaya hai) mein plugin kar…
Aap hi-z guitar signal ko ek low-z mic signal mein convert karte hai…
Jo phir aapke DAW mein directly record kiya ja sakta hai ek dry track ki tarah bina koi effects.
Effects ko banane ke liye, ek amp simulator insert kiya jaata hai track par, jo asal mein ek virtual version hai aapke guitar rig ka.
Guitar recording ke “paramparik” tareeke ki tulna mein, yeh tareeka:
- sasta hai,
- shaant hai,
- kam jagah rokta hai, aur…
- jyada sound options deta hai
Kyunki jyadatar audio interfaces ab DI inputs ke saath aate hai, sambhavna hai ki aapko inhe khareedne ki zaroorat bhi nahi padegi.
Agar zaroorat pade, iss lekh mein dekhiye jin direct boxes ki main sifarish karta hoon:
Amp simulators ke liye, meri salah hai:
Aur ek behtereen all-in-one samadhaan, jismein shaamil hai DI inputs, virtual amp tones, AUR Pro Tools software, yahan dekhiye:
Ab iski khoobiyaan hone ke bavajood, jyadatar log sehmat hai ki sabse behtereen amp simulators phir bhi “asli cheez” ki tarah utni achhi awaaz nahi dete.
Isiliye kuch home studios pasand karte hai paramparik tareeka…
2. Guitar Cabinet ki Miking ka
Sabse achhi “studio quality” awaaz paane ke liye…
Koi substitute nahi ek achhe mic ko ek achhe amp se jodne ka.
Toh yahan dekhiye yeh kaise kiya jaata hai:
Pehle hai mic…
Kai log pasand karte hai ek aisa mic jo design kiya gaya ho khaaskar guitar cabinets ke liye, jaise ki Sennheiser e906 – (daam/reviews).
Jahanki koi bhi achha dynamic mic ya ribbon mic kaam kar lega…
Yahan dekhiye main jinki sifarish karta hoon:
Agla hai positioning…
Shuru kare mic ko cabinet par lagakar, cone ki taraf muh rakh kar. Wahan se, doori aur angle mein chhote adjustments karte rahiye jab tak aapko achhi tone ki jagah nahi milti.
Ek aur tareeka hai khud amp ko reposition karne ka:
- usse tilt kare, reflecting deewalon se phase cancellation ko kam se kam karne ke liye
- usse ek riser par rakhe taaki farsh ke saath acoustic coupling na ho
- uske kamre ki jagah ko badale mauhaul ko badalne ke liye
Thode se dheeraj aur bahut saare experiments ke saath, aap sirf inn saral tareekon ka istemaal kar ek kaafi acchi tone pa sakte hai.
Ab aage, yahan hai ek aakhri tareeka, guitar recording ka jo pehle dono ka mel hai…
3. Re-Amping
Agar aapko asli guitar amp ki awaaz chahiye…
Magar phir bhi amp simulators ka lacheelapan chahiye…
Ek tareeka yeh dono paane ka hai ki aap ek reamp istemaal karen…
Jo aapke interface ke line-level output ko guitar signal mein badal kar kaam karta hai, jo ek dusri guitar cable se yatra karta hai, aur phir waapis aapke amp mein bhara jaata hai.
Iss tareeka ka pehla munafa hai ki, aap dono “real” aur “simulated” versions ki tulna aur mishran kar sakte hai, sabse achhi tone paane ke liye.
Dusra munafa hai, ki aap phir bhi amp ki tone ko theek kar sakte hai, aur track ko re-record kar sakte hai, guitarist ke ghar jaane ke baad bhi.
Isse parakhne ke liye, yahan dekhiye 2 achhe vikalp jinki main sifarish karta hoon:
Ab aage…
Bass Guitar ki Recording
Bass guitar ki ek achhi cheez hai ki…
Ghar pe, aap inhe record kar sakte hai, unhi basic tareekon ke saath jo electric guitar ke saath istemaal hote hain…
…sirf kuch hi matbhedon ke saath.
Pehle hai mics:
Sirf standard dynamic mic istemaal karne ki bajay…
Bass cabinets aksar record kiye jaate hain khaas bass mics ke saath, jinki responses low-frequency upkaranon ke saath anuroop hoti hain.
Yahan dekhiye main jinki sifarish karta hoon:
Ab agla hai direct box:
Aapke bass style ke aadhaar par, aapke paas passive ya active pickups honge:
Ek aam niyam hai ki:
- Passive basses active DI’s istemaal karte hain
- Active basses passive DI’s istemaal karte hain
Ek baar phir, yahan dekhiye ek link jo aapki khoj mein maddad karega:
Aur aakhir hai, amp simulator:
Jahanki adhikaansh amp simulators mein kuch bass settings shaamil hoti hain, yahan dekhiye ek jo KHAASKAR bass ke liye banayi gayi hai:
Ek baar jab aapne inn sabko cover kar liya hai, aapka kaam set ho gaya.
Ab aage…
Acoustic Guitar ki Recording
Inki sundar saadhgee ke bavajood…
Kai logon ko ehsaas nahi hota ki…
Acoustic guitar sonically sabse jatil sangeet upkaran hai record karne ke liye.
Kyunki notes ke ilaava…
Inki awaaz mein yeh sab bhi shaamil hota hai:
- taaron ki jhankaar
- aapki ungliyaan taaron par
- aapke haath taaron ko mute karte hue
- aapki hatheli soundboard ko thapthapati hui
- taarein frets ko taptapati hui
Jabki hamesha zaroori nahi hota acoustic guitar ko uss degree ki detail mein record karna..aisa karna kabhi kabhaar zaroori hota hai.
Kuch palon mein main aapko dikhaunga isse kaise karna hai. Par pehle, kuch asaan tareeke dekhte hai…
1. Acoustic DI Recording
Kyunki room acoustics ek BADI bhumika nibhaate hai acoustic guitar recording ke liye…
Aur jyadatar home studios mein kuch kam shaandaar acoustics hote hai…
Iss samasya se bachne ka ek asaan tareeka hai ki aap ek acoustic DI ke saath record kare ek microphone ki bajay.
Acoustic DI aur standard direct box mein khaas matbhed hai ki:
- inki input impedance bahut unnchi hoti hai piezo-electric pickups ki output ko match karne ke liye
- awaaz jyada high-end hoti hai, acoustic guitar ki high-frequency detail ko pakadne ke liye
Iss tareeka ka istemaal karne ke liye, yahan hai kuch achhe acoustic DI’s jinki main sifarish karta hoon:
Ab aage..
2. Ek Mic ke saath Mono Recording
Jabki acoustic DI recording kaam kar sakti hai home studio ke liye, ek hadd tak…ek achhe acoustic guitar microphone ka koi badli nahi…
Aur isliye…
Yeh maante hue ki aapke kamre main acoustic treatment hai…yahan dekhiye yeh agla tareeka aap kaise istemaal kar sakte hai:
Pehle, hai mic. Acoustic guitar ko MONO mein record karne ka standard vikalp hai:
- ek condenser mic (bade ya chhote diaphragm ke saath)
- ek omnidirectional polar pattern ke saath
Kaaran hai ki..
- Condenser mics dynamic mics se behter hai upkaranon ki high-frequency detail pakadne ke liye.
- Omnidirectional mics cardioid mics se behter hai chaude sound sources ko samaan roop se pakadne ke liye.
Agla hai positioning:
Ek aise mic ke saath shuru kare jo kareeban ek foot dur ho aapke guitar se, 12th fret ki taraf point karta hua. Wahan se, experiment kare kuch changes la kar angle aur distance mein jab tak aapko achhi awaaz na mile.
Achhi awaaz wale kamron mein, mic ko thoda aur dur hatayein kamre ke mauhaul (yaani, ambience) ko pakadne ke liye. Bure kamron mein, inhe thoda aur nazdeek laye kam mauhaul pakadne ke liye.
Jabki isse DI recording se beheter parinaam dena chahiye, yeh phir bhi iss aakhri tareeke jitna achha nahi hoga…
3. Stereo Recording
Kai log mahino tak sangharsh karte hai…
Pareshaan hai ki kyun unke acoustic tracks utne achhe nahi sunayi dete…
Unke pasandida records ki tarah.
Kyunki unhe kisi ne nahi kaha ki…
Stereo recording sabse achha hatiyaar hai jo engineers istemaal karte hai inn DONO ko pakadne ke liye:
Woh wide stereo image, aur broad sonic spectrum jo uss “professional-quality” acoustic guitar recordings mein maujood hoti hai.
Kuch mixes mein khaaskar, jahan acoustic guitar aur vocals ko ek poora gaana bharna padta hai…yeh takhneek AAVASHYAK hai.
Kyunki stereo recording khud main hi ek BADA vishay hai, yahan dekhiye ek alag lekh ki yeh kaisa kiya jaata hai:
Aage badhte hue…
Keyboard ki Recording
Keyboard ki ek achhi cheez hai ki…
Kyunki yeh ek digital upkaran hai…
Yeh jyada asaan hai record karne ke liye sirf ek microphone ke saath.
Sirf do hi tareeke hai isse record karne ke liye, aur dono hi tareeke kaafi spasht hai.
Pehle hai..
1. Stereo DI Recording
Agar aap ek asli keyboard player hai…aur aapke paas khud ka achha keyboard hai, awaaz ki ek achhi selection ke saath…
Aap shayad unn awaazon ka phayeda uthaana chahte hai direct analog outputs record kar ke, hai na?
Sirf ek samasya hai ki…
Jyadatar keyboards ke line-level connections mein bahut high-outputs hote hai, jo asaani se clip ho sakte hai jab ek standard mic preamp channel dwara record kiye jaaye.
Aur isiliye, sabse achha samadhaan hai ki aap unhe pehle ek direct box ke zariye chalayein, jaisa ki aap guitar ke saath karenge.
Sirf ek antar hai ki…kyunki keyboard outputs stereo hote hain, aapko ek stereo DI bhi lagega.
Yahan dekhiye kuch achhe wale jinki main sifarish karta hoon:
Ab aage…
2. Virtual Instruments Keyboards
Unn baaki sab “multi-intrumentalists” ke liye, jinhe kabhi kabaar keyboards ka istemaal karna padta hai…
Par khud ko “keyboard players” nahi maante…
Ek virtual instrument, aur ek MIDI controller ka mel, bahut achha recording samadhaan deta hai, inn agle kuch kaaraon ki wajah se:
- Yeh ek achhe digital piano se kahin sasta hai
- Yeh behter editing features deta hai “kam-achhi” performances ke liye
- Yeh aapko mix ke dauraan kisi bhi samay tone badalne ki ijaazat deta hai
Aur isiliye, agar aap keyboards par achhe nahi, par ek achha tareeka chahte hai iski “nakal karne ka”, main virtual intruments ki sifarish karta hoon.
Ab aage…
Drums ki Recording
Jaisa ki aapko pehle se pata hoga…
Drums kaafi mushkil upkaran hai record karne ke liye ek home studio mein.
Kyunki aisa karne ke liye:
- Bahut saare upkaran chahiye – jinmein shaamil kai drum microphones, stands, aur input channels.
- Ek bada kamra – jismein saare gear ko fit karne ki jagah ho aur achhe acoustics woh achhi “live” awaaz ke liye.
- Physical/Acoustic Isolation – taaki aap shor macha sake apne padosiyon ko tang kiye bina.
Kyunki kuch hi project studios mein yeh suvidhayein hoti hai…yahan dekhiye iski bajay kai log kya istemaal karte hai:
1. Virtual Instrument Drums
Aaj kal virtual instrument drums itne asli drum tracks banane ki kshamta rakhte hai…
Aapko lagega ki aap ek asli drummer ko sun rahe hai.
Aur aisa hai kyunki…
Iss software ka har sample ek pro studio mein record kiya gaya tha, world-class drum kit par ek asli session drummer dwara.
Toh yeh sirf asaan hi nahi asli drums ko record karne se..kai kisson mein yeh sunne mein bhi behter hai.
Aur chhote project studios ke liye, yeh abhi tak ka sabse achha vikalp hai list mein se.
Yahan dekhiye 3 achhe wale jinki main sifarish karta hoon:
Ab aage…
2. Electronic Drums
Ek aisa brain module jo kahin jyada jatil hai kisi bhi dusre virtual instrument se jyada…
Aur hardware itna realistic hai ki jaise aap asli acoutic drums hi baja rahe ho…
Electronic drum kits (jo achhe waale hai), mere khayal mein, ek achha rasta dete hai iss upkaran ko home studio mein record karne ka.
- Yeh shaant hai padosiyon ko pareshaan kiye bina.
- Dher saare kits ke vikalp hai.
- Achhe waale shaandaar awaaz dete hai.
- Sabse behtereen wale aapko har drum ko ek alag track mein record karne dete hai, acoustic drums ki tarah.
Main jinki sifarish karta hoon, yeh dekhne ke liye iss lekh ko padhen:
Ab electronic drums ke itne prabhaavshaali hone ke bavajood, yeh phir bhi “asli cheez” jitne achhe nahi.
Toh aage hai…
3. Acoustic Drums ki Recording
Sach hai ki ek poori kitaab likhi ja sakti hai sirf iss vishay par. Par aaj ke liye, yahan dekhiye iska ek bahut sankshep vivaran nausikhiyon ke liye..
Pehle, hai mics…
Cymbals par, apne condenser mics istemaal kijiye, aur drums par apne dynamic mics.
Aur agar aap abhi bhi apni mic collection bana rahe hai, yahan dekhiye kuch achhe vikalp jinki main sifarish karta hoon, ek standard kit ke har hisse ke liye:
- Kick – AKG D112 ya koi bhi achha bass mic
- Snare – Shure SM57 ya koi bhi achha dynamic mic
- Toms – Sennheiser e604 ya koi bhi achha dynamic mic
- Hi-Hats – Shure SM81 ya koi bhi achha chhote diaphragm ka condenser mic
- Cymbals/Room – condenser mics ka koi bhi achha matched joda
Aage, hai positioning…
Jahanki kai raayein hai ki yeh kaise kiya jaane chahiye, yahan hai kuch buniyaadi raanneetiyaan:
- Individual drums par – mics position kiye jaate hai rim par, neeche ki oar angle, drum head ke jitne paas ho sake, bina drummer ke raaste mein aaye. Agar mumkin ho, unhe paas ke drums se DUR rakhiye bleed ko kam se kam rakhne ke liye.
- Kick drums par – kabhi kabaar do mics istemaal hote hai aage aur peeche beater ke low-end thump aur click ko pakadne karne ke liye.
- Snare drums par – do mics istemaal hote hai kabhi kabaar, upar aur neeche drum ke crack aur snare ke rattle ko pakadne karne ke liye.
- Toms par – har drum niji taur par mic kiya ja sakta hai, ya phir ek jodi stereo room mics ke saath record kiya ja sakta hai.
- Cymbals par – jaisa ki toms ke saath…par jyada zaroori cymbals (hi hat aur ride) ko aam taur par apne khud ke mics milte hai.
Kher…aapko general idea toh mil gaya hoga.
Magar, poori imaandaari se, jyadatar home studios theek rahenge, drums ki recording karna pehle do tareekon ke saath.
Par phir bhi yeh achha hai jaan kar rakhna, hai na?