Sangeet ki duniya badal chuki hai.
Dashkon pehle, agar aap sangeetkaar the, aur aap ek album record karna chahte the…
Aap aur aapke band ko har raat bars aur clubs mein bajana padta…
Aur yeh prarthana karni padti ki koi bada producer baitha hua ho darshakon mein jo aapse itna prabhaavit ho taaki woh aapko ek mauka de sake.
Par ab aisa nahi.
Aaj, music production ka trend jyada aur jyada home studios ki taraf badh raha hai.
Aap aur mere jaise logon dwara bedrooms, garages aur basements mein achha sangeet banaya ja raha hai har samaya…
Aksar sirf ek computer, USB mic, kuch headphones aur thodi hi kuch cheezon ke saath.
Ek gaana record kijiye, usse online post kijiye, aur usse viral hota dekhiye…aur aap raaton-raat mushhoor ho gaye.
Jabki yeh utna ASAAN nahi, yeh utna SARAL hai.
Par iss sab ke hone se pehle, aapko pata hona chahiye ki music asal mein kaise record kiya jaata hai.
Aur isliye aaj ki post mein, main isse 4 asaan kadamon mein bataunga…shuru se antt tak.
Shuru karte hai…
Pehla Kadam: Recording Prakriya
Music recording ke shuruaati dino se…
Yeh prakriya aaj ki tulna mein jyada asaan thi.
Poori performances single takes mein li jaati thi, kabhi-kabaar sirf ek ya do mics ke saath.
Par aaj, hum multitrack recording jaise sophisticated process ka istemaal karte hai…
Jahan har instrument alag-alag record kiya jaata hai aur baad mein ek “mix” mein joda jaata hai.
Ismein do BADE phayede hai:
- Isse engineers har ek upkaran ki awaaz ki chaal dhaal ko badal sakte hai.
- Har upkaran ko ek gaane mein record kar sakte hai, ek baar mein ek.
Iss naye tareeke ke saath, ek aadmi woh sab akela kar sakta hai, jiske liye pehle engineers aur sangeetkaaron ki poori team lagti thi.
Jabki prakriya ke vaastavic kadam engineer se engineer tak alag ho sakte hai…
Yahan hai ek samaanya guideline ki yeh kaise kaam karta hai:
1. Ek Track Banayiye Follow Karne ke liye
Pehla kadam hai ki aap koi aisa track banaye jo ek guide ki tarah kaam kare dusre upkaranon ko follow karne ke liye.
Jyadatar log ek saral click/metronome istemaal karte hai tempo set karne ke liye. Par kyunki saare sangeetkaar clicks follow nahi kar sakte, aap iski bajay ek pre-recorded drum loop ka istemaal kar sakte hai.
Aur kyunki saare gaanon mein steady tempo nahi hota, ek teesra tareeka hai ek scratch track banane ka…
Jahan ek upkaran ya kai upkaran record kiye jaata hai ek guide ki tarah, aur phir “over-dubbed” hote hai ek baar mein ek, jab tak original delete ya “scratched” na kiya jaaye.
2. Rhythm Section Ko Record kare
Jaisa ki kisi bhi sangeetkar ko pata hai, rhythm section kisi bhi gaane ki buniyaad hai. Jab bands ek saath bajate hai, sabhi drums/bass ka peecha karte hai.
Matlab banta hai phir, ki yeh upkaran pehle record kiye jaaye.
Gaanon mein jahan drums/bass na ho, koi dusre rhythmic upkaran (jaise ki acoustic guitar) istemaal kiye ja sakte hai.
3. Harmonies ko record kare
Ek baar jab aapne ek achhi buniyaad bana li hai, agla usse ek chord structure mein daalne ka samay aa gaya hai.
Gaane par nirbhar, iska matlab hai ki aap rhythm guitar, piano, synths, horns, ityaadi ko daal sakte hai.
Jab ek basic chord progression ho gaya hai, waqt aa gaya hai ki aap…
4. Melodies Record Kare
Kyunki jyadatar gaane upkaranon ka mishran istemaal karte hain ek melody banane ke liye…
Matlab banta hai ki jo bhi jyada dominant ho (aam taur par lead vocals/lead guitar) pehle record hote hai.
Aur phir baad mein, aap antaraal bhar sakte hai supporting melodies ke saath.
Uske baad, baaki hai sirf…
5. Rang Daalna
Apne gaanon mein finishing touches daalne ke liye, aap apne ‘main’ tracks mein woh thode nuances daal sakte hai thode rang aur flare ke liye.
Samanya udharaanon mein shaamil:
- background vocals
- percussion fills
- piano fills
- sampled sound effects
Sab Kuch Akele Nahi Kar Sakte?
Jaise ki aapko pehle se pata hoga, recording ka ek sabse mushkil hissa hai, samarth sangeetkaaron ko khoj nikaalna jo inn sab alag upkaranon ko bajate ho.
Agar aap bhaagyashaali hai…ya phir aapke paas dost hai jo aapki maddad karne mein raaji hai.
Phir bhi, hum mein se jyadatar logon ke paas aisa NAHI hai. Iss kisse mein, main sifarish karta hoon ki aap Fiverr website dekhiye, jahan aap session musicians khoj sakte hai bahut kiphayati daamon mein…
Ek baar jab yeh ho gaya, aap agle phase ke liye taiyaar hai…
Dusra Kadam: Editing ka Process
Ab jab aapne apne tracks ki recording khatam kar li, kaam aa gaya hai inhe saaf karne ka.
Kyunki aapke bahut savadhaan hone ke bavajoob…
Hamesha aisi KUCH galtiyaan hongi jinhe theek kiya ja sakta hai aur jinhe theek kiya jaana chahiye…
Aaj ke DAW’s ke shaandaar editing tools ke saath.
Aam taur par, editing 5 aam kaaryon ke saath bani hai:
- Arrangement
- Comping
- Noise Reduction
- Time Editing
- Pitch Editing
Arrangement ke saath, aap sab kuch kulmilkar dekh sakte hai, evaluate karne ke liye, kya kaam karta hai aur kya nahi.
Udhaaran ke liye, aap:
- poore tracks delete kar sakte hai jinka koi matlab nahi banta
- tracks ke unn sections ko kaat sakte hai jo mix ko clutter karte hai
- ek section ko gaane ke kisi naye bhaag mein hata sakte hai
- gaane ke poore sections ko delete kar sakte hai
Comping ke saath, aap har track ke duplicate takes ki tulna kar sakte hai, aur jo sabse achhe ho unhe chunn sakte hai. Agar aapko pasand ho, aap har take se sabse achhe phrases le sakte hai aur unn sab ko ek “frankenstein-take” mein bana sakte hai. (Frankenstein take ka maltab, jaise tukdon mein gaana silna).
Noise reduction ke saath, aap audio ke har section ke pehle, baad aur beech ki awaazon ko cut kar sakte hai jahan upkaran bajaye ja rahe hai.
Iska matlab hai nikalna:
- background awaazein
- amp ki hissing
- footsteps
- kursi ki chu-chu
- saasein
- ya phir sirf sunn hava
Aur shor ko kam karne ke liye, aap ek high-pass filter daal sakte hai lower frequency range ke non-bass upkaranon mein, gadgadati awaazon ko hatane ke liye.
Time editing ke saath, aap off-beat notes ko theek kar sakte hai, inn do tareekon ka istemaal karke:
- “Cut aur paste” tareeka hai, jo achha kaam karta hai percussive upkaranon par.
- “Time-stretching” tareeka hai, jo lagbhag sabhi upkaranon par achha kaam karta hai.
Pitch editing ke saath, aap kisi bhi khatte note ko on-pitch kar sakte hai, Auto-tune ya koi bhi aise software ka istemaal kar.
Aam taur par vocals par istemaal hota hai, par yeh melodic upkaranon par bhi kaam karta hai.
Toh yeh hua Editing Process ke baare mein.
Ab agle phase ke liye…
Teesra Kadam: Mixing Prakriya
Ek baar jab tracks aapke hisaab se theek ho gaye hai…
Agla lakshya hai ki unhe ek sammillit mix daalein…”mixing” ke process ke saath.
Jabki mixing apne aap mein hi ek kala hai, yeh kai tareekon mein ki ja sakta hai…
Kuch vishisht buniyaadi kaam jo sabhi karte hai…
Sadhaaran udhaaron mein shaamil:
- Balancing Faders – jo kiya jaata hai taaki koi bhi upkaran dusre upkaranon ki tulna mein jyada uncha ya jyada dheema na sunayi de.
- Panning – jo har upkaran ko apne khud ki jagah deta hai stereo-image mein, jaise ki har sangeetkaar ke paas apni khud ki jagah hoti hai on-stage.
- Equalization – jo ek anokhi jagah banata hai frequency spectrum mein har upkaran ke liye, taaki koi bhi do awaazien ek samaan band of frequencies ke liye na ladd rahi ho.
- Compression – jo ek upkaran ke dynamic range ko level out karta hai taaki har note saaf sunayi de, aur kulmilakar mix unchi sunayi de.
- Reverb – jo ek 3-dimensional space banata hai mix ke liye, jisse ek geharayi mehsoos hoti hai, aur upkaranon ko ek room-sound ke andar unify karta hai.
- Automation – jo aapko settings badalne ki ijaazat deta hai gaane mein vibhinn points par, taaki aapki mix mein gati ka ehsaas ho.
Ek baar jab aapne inn tools ka istemaal kiya hai apne mixes ko banane ke liye, aur yeh achhi sunayi de rahi hai…
Samay aa gaya hai aakhiri kadam ka…
Chautha Kadam: Mastering Process
Aapke gaane ke mastered hone se pehle…
Sabhi tracks re-record kiye jaane chahiye ek akeli stereo file mein…
Ya “bounced“, jaise ki yeh aam taur par jaana jaata hai.
Ek baar jab yeh ho gaya, kai mastering techniques istemaal ki jaati hai aapke gaane par finishing touches daalne ke liye…
Taaki woh aur bhi behter sunayi de.
Aam takhneekon mein shaamil:
- Maximizing Loudness – kuch aur compression aur limiting ke saath, jisse average signal level utna uncha ho jitna ho sake, jyada dynamics ka tyaag kiye bina.
- Frequencies ki Balancing – aur EQ ke saath, aur multi-band compression ke saath, jo individual frequency bands ko alag-alag compress kar sakti hai baaki spectrum se. through further EQ, and a process known as multi-band compression, which can compress individual frequency bands separately from the rest of the spectrum.
- Stereo Widening – ek khaas plugin ke saath, jo design kiya gaya hai aapki mix ki higher frequencies ko ek “chaudayi” ehsaas ko daalne ke liye. with a special plugin designed to add an additional sense of “width” to the higher frequencies in your mix.
Ek baar jab sab kuch perfect sunayi deta hai, track uske uchit sample rate/bit depth par convert kiya jaata hai. Udhaaran ke liye, CD audio 44.1 kHz/16 Bits hoti hai.
Khud kare ya Outsource kare?
Agar saral shabdon mein kaha jaaye, toh mastering mushkil hai. Aur agar aapko nahi pata aap kya kar rahe hai, aap asaani se cheezon aur kharaab kar sakte hai, achha karne ki bajay.
Aur isiliye mix engineers ki standard practice hai yeh kaam outsource karna “mastering engineer” ko, khud karne ke bajay.
Jahanki…
Agar aap phir bhi iski koshish karna chahte hai, yahan dekhiye software tools jinki main sifarish karta hoon:
Achhe mastering engineers mehenge hote hai, jo har koi kharach nahi kar sakta, ya karna chahta hai.
Saubhagya se, aaj kal ke dino mein kai online freelance engineers hai jo kam daam mein yeh kaam karna chahenge.
Aur jaise ki maine pehle iss lekh mein kaha hai, Fiverr ek achhi jagah hai inhe khojne ki.
- Inki listings dekhne ke liye yahan click kare audio ki sabhi cheezon ke liye…jinmein shaamil: Editing, Mixing AUR Mastering.
Ab…
Yeh kehne ke baad, agla sawaal hai ki..
Kya mastering hamesha aavashyak hai?
Dashkon pehle, jab sabhi studio recordings bechne ke liye banayi gayi thi, sab kuch mastered kiya jaata tha.
Par aaj…kyunki kai amateur recordings “aise hi” ki jaati hai…
Home studios aksar apne khud ki mastering karenge, ya phir usse poori tarah se chhod denge. Aur yeh bhi theek hai.
Agar aap apne sangeet ko sirf apne doston ya rishtedaaron mein baantna chahte hai, tab kisse pharak padta hai?
Jahanki…
- Agar aapko music professionally record karna hai, ya…
- Agar aap chahte hai ki aapka kaam jitna ho sake utna achha sunayi de…
Apni mixes ko mastering karna bilkul AAVASHYAK hai.