Bahut pehle, sangeetkar banne se pehle…
Hum SABHI ko acche headphones ki keemat pata thi, hai na?
Badon ke liye…Bose tha top brand.
Aaj ke bachhon ke liye, Beats by Dre hai.
Par ab jab aap apne naye ‘home studio’ ke baare mein soch rahe hain, aap vichaar karne lagte hain…
Kya woh headphones kaam karenge?
Ya phir, kya studio headphones alag hote hain?
Sach toh yeh hai ki…recording studios 2 bahut nischit headphones istemaal karte hain, 2 bahut nischit prayojanon ke liye.
Woh hain:
- Closed Back Headphones – jo ki tracks ki recording mein istemaal hotein hain
- Open Back Headphones – jo ki mixing mein istemaal hotein hain
Aur phihaal agar aap dono mein se kisi ek ke liye achhe headphones ki talaash kar rahen hai toh iss post mein main aapko sabse badhiyaan vikalp bataaonga inn nichle do bhagon mein:
- 6 Behtereen Closed Back Headphones Tracks ki Recording Ke Liye
- 7 Behtereen Open Back Headphones Mixing Ke Liye
Toh pehle…
6 Behtereen Closed Back Headphones Tracks ki Recording Ke Liye
Jab aap studio mein tracks ki recording karte hain…
Mukhya kaam ek acche closed back headphones ka hai ki woh adhiktam dhwani algaav, yaani, maximum sound isolation dein…
Taaki sangeetkar apne headphones par dhyaan de sake jab mixes baj rahi ho…
Taaki koi ‘sound bleeding’ na ho live music par, aur unka ‘take’ kharab na ho jaye.
Market mein aajkal uplabdh sabse behtereen models mein se…
Yeh top 6 hain jinki main aapko sifarish karta hoon:
1. Sennheiser HD280 Pro
Sambhavna hai ki aapne inke baare mein pehle suna hoga…
Kyunki yeh Sennheiser HD280 Pro aam hi recording sangathanon mein closed back headphones ke ek industry standard ki tarah jaane jaate hain.
Main pehle hi keh deta hoon…
- yeh kuch khaas sundar nahi, aur…
- inki koi baat karne layak khaasiyat nahi
Par hum yeh toh zaroor bata SAKTE HAIN, ki yeh asaani se duniya ke sabse mushhoor recording headphones hain.
Aur inmein se aapko duniya ki SABSE BEHTEREEN awaaz toh nahi sunayi degi…par yeh aapka kaam zaroor kar sakenge.
Nausikhye aur advanced studios, dono ke liye main inki salah dunga.
Jin logon ko HD280 pasand nahi, woh shayad inke bahut vafadar honge…
2. Sony MDR-7506
Sabse nazdiki aur shayad HD280 ka ek matra pratiyogi hai…
Prasidhh Sony MDR-7506.
HD280 ki tulna mein:
- Yeh utna hi kiphayati hai
- Yeh utna hi tikau hai
- Yeh utni hi isolation deta hai
Aur kuch log inhe SAMASTH roop mein thoda aur bhaav detein hain…jimein se main ek hoon.
Dono istemaal karne ke baad, maine paya ki MDR-7506 kuch hadd tak thoda jyada behter hai- aaraam aur awaaz ki quality mein. Reviews ki jaanch karne ke baad maine dekhe aur log bhi iss baat se sehmat hain.
Par dekhne ki baat hai ki, dono hi BAHUT mushhoor hain, aur kai sangeetkar bahut chuninda hain apne headphones ke baar mein…
Har ek headphones ke kuch haath mein rakhna achha vichaar hai, taaki sab khush rahein.
Toh 90% log joh yeh padh rahen hain, meri salaah hai ki aap yahin padhna khatam karen aur pehle do vikalpon mein se kisi ek ko chunn lein.
Jinko aur vikalp chahiye, aage badhtein hain…
3. Extreme Isolation EX-29
Extreme Isolation EX-29 ek anokha headphone hain jo design kiya gaya hai- EK KHAAS MAKSAD ke liye:
Adhiktam Sound Isolation.
Design kiya gaya hai dholakiye (drummer) DWARA, dholakiyon KE LIYE…
Yeh headphones kai industrial headphones ka muqabala karte hain isolation mein!
Herat ki baat hai, jab aap nideshpatra padhten hain, toh inhe 29dB ki rating mili hai noise attenuation mein. Prabhavshaali aankada hai zaroor…
Par kai dusre headphones hain jo yeh aankada dikhaten hai, ya phir isse bhi jyada.
Par phir bhi mere anubhav mein aur upyogiyon ke reviews se spashth hai ki EX29 kisi se bhi behter isolate karta hai.
Iska vivran?
Product descriptions ke mutabik jyadatar headphones sirf EK frequency ki attenuation tol sakte hain. Par EX-29 CHAUDI frequency ke range mein MADHYA attenuation tolta hai.
Hum sabhi ko pata hai, low frequencies ko block karna jyada mushkil hai high frequencies ki tulna mein.
Main maanta hoon ki yeh bahut apriya ho sakta hai, aur agar sound isolation aapki sabse badi zaroorat hai…
Meri salaah hai ki aap inhe khud dekhen.
Agla mera pasandida hai…
4. Beyerdynamic DT770 Pro
Abhi tak humne jitne bhi headphones dekhen hain, kareeban Rs. 7,000 ke hain.
Par Beyerdynamic DT770 Pro unn sabse dugni kimat ka hai…
Inmein kaafi saari mehatvapoorn quality upgrades hain.
Aaraam, sound quality aur andaaz mein…
Yeh headphones pichle teenon ko asaani se hara sakta hai.
Sound isolation aur muzbooti mein…yeh sab ek jaise hi hain.
Toh sawaal hai…kya yeh itni kimat ke layak hain?
Mere vichaar mein, DT770 Pro aaraam aur kiphayati daam, dono ka accha mel hai. Aur isiliye yeh mere #1 pasandida headphones hain list mein se.
Ek samroop model, meri salaah mein hai, Beyerdynamic DT770M.
Dholakiyon (drummers) ke liye khaas banaya gaya, yeh 35dB noise attenuation dete hain, jo ki sabse bada aankada hai, jitne bhi headphones maine dekhen hai. Inhe dekhen.
Abhi mere aakhri do chunavon ke liye, maine BAHUT khaas cheezein bachaiyi rakhin hain.
Shuru karte hai…
5. Focal Spirit Professional
Saste closed-back headphones ke saath…
Aisa lagta hai ki badhiya sound quality nahi mil paati, dusre jyada zaroori features ki tulna mein, hai na?
Par jo inhe khareed sakte hain…kyun na DONO paayein?
Focal Spirit Professionals mein aapko milta hai:
- Sab kuch jo aapko closed-back headphones mein chahiye…
- Sabse behtereen high-end open back ki sound quality ke saath
Ek hoshiyaar feature inn headphones ka hai inki memory foam padding jo bahut aaraam se aapke sir pe baith jaati hai, aur saare khaali jagaon ko bandh kar deti hai.
Iss tareeke mein…andar ki awaazein ANDAR rehti hain, aur bahar ki awaazein BAHAR.
Inhein dekhiye. Mujhe lagta hai ki aap chaunk jayenge.
Abhi, aakhri ke liye, maine sabse shaandaar vikalp rakha hai…
6. Shure SRH 1540
Nazdeeki se ek standard open back design ki tarah dikhta hai…
Shure SRH-1540 closed back headphones mein shayad sabse kareebi reference quality sound deta hai.
Design ke hisaab se, yeh abhi tak ke sabse sundar headphones hain list par.
Inko dekh kar hi aap samjh saktein hain ki yeh kitne aaraamdayak honge.
Main aapko inki behtereen khoobiyon ke baare mein bata toh sakta hoon. Par sach toh yeh hai, ki asli sawal hai…
“Kya yeh sach mein itne khaas hain, jitne ki dekhne mein?”
Reviews ke mutabik, sabhi kehtein hain, HAAN. Bahut saare reviews likhe gaye hain naahi sirf studio sangeetkaron dwara, par audiophile prasanshakon se. Aur jab baat aati hi sabse badiyan (high-end) sound ki, inn logon ko SACH mein apna kaam acche se pata hai.
Kya main isse pehla vikalp kahunga recording studio ke liye? Bilkul nahi.
Par agar koi mujhe pooche, sabse achhe se accha…
Toh koi shaq nahi ki main unhe Shure SRH-1540 ki oar dikhaunga.
Abhi jab humne saare achhe closed back vikalp dekh liye hain, dusri bhaag ki oar dhyaan detein hain jahan main aapko dikhaunga…
7 Behtereen Open Back Headphones Mixing Ke Liye
Closed back headphones ki khedjanak baat hai ki:
- jaise-jaise isolation upar jaati hai…
- sound quality aksar niche chali jati hai.
Jo tracking ke liye theek hai, jahan isolation ki jyada zaroori hoti hai.
Magar, DO alag parastithiyaan hai, jahan sound quality isolation se jyada zaroori hoti hai:
- jab aap kisi upkaran ki recording kar rahe hai jisse microphone ki zaroorat nahi hai, jaise ki electronic drum kit ya phir keyboard.
- jab aap mixing kar rahen hain.
Jab ki mixing, adarshroop se studio monitors par ki jaani chahiye…
Aaj ki duniya ke mobile recording aur budget home studios ne headphone mixing ek svikarya abhyaas bana liya hai.
Jab tak…aapko open back headphones istemaal karna yaad ho, jo ki vaastav mein ulta samjhauta hai, optimal sound quality chunna isolation ke kharch par.
Abhi market mein uplabdh sabse behtereen models mein se, 7 jinki main sifarish karta hoon, woh hain:
1. Beyerdynamic DT990 Pro
Kyunki sound quality aapke liye sabse mehtvapoorn hai open back headphones ke saath…
Matlab banta hai ki #1 pasand woh ho jo sabse badhiyan sound de, sabse kam daam mein.
Mere hisaab mein, yeh taaj jaata hai Beyerdynamic DT990 Pro ko.
Ek madhya-range model ke liye…Inke paas sab hai jo aapko chahiye…aur usse bhi jyada.
Mahetvapoorn visheshtayon mein shaammil:
- ek asaadharan chaudi frequency range (5Hz-35kHz)
- ek mazboot bass ki maujoodgi
- ek bahut aaraamdayak fit
Maine inhe pehle istemaal kiya hai, isliye main inke aaraam ke baare mein khud bata sakta hoon.
Apriya headphones se kharaab kuch nahi…par inse jyada aaraam milna mushkil hai.
Ab, ek aur model hai, kareeban itne hi daam ka…
2. AKG K 701
Pichle dino mein…purana AKG K1000 sabse khaas headphones tha AKG line se…
Yeh aam taur se duniya ke sabse behtereen headphones mein jaane jaate the.
Aaj…naye AKG K701 mein uski shaandaar khubiyaan hain…
Aur kuch naye takhneeki updates.
Udhaaran ke liye:
Yeh AKG line mein se pehle hai jinmein flat-wire coil technology hai, K1000 ke mutabik…
- Yeh behter low-end awaaz dete hain, aur…
- Kam-zor wale amplifiers ke saath chalne ki anumati detein hai.
Aap jaanna chahenge…
Prasidhh producer, Quincy Jones, jinke paas kisi bhi aur jivit vyakti se jyada Grammy awards hain,…unhone banaya special edition inn headphones ka: AKG Q701.
Unke hisaab se, inmein sabse behtereen awaaz hai kisi bhi aur headphones jo unhone kabhi sune hain. Aur agar yeh Quincy ke liye kaafi hai, toh hum sab ke liye bhi kaafi hai.
- Naye daam ke liye yahan click karen– (Amazon)
Ab agar, yeh pichle do models aapke liye thode mehenge the, toh yeh agle do thode saste padenge.
Toh pehle…
3. AKG K240
Nausikhiye jo tang budget mein hai, AKG K240 se behter nahi.
Ek nazar inn headphones par…
Aur aapko sunke hairaani hogi ki yeh saath hazaar se bhi kam ke hain.
Ek aur aakarshak suvidha hai inka “semi-open“ design, jo ki vaastav mein open aur closed back models ka mishran (hybrid) hai.
Agar aapke paas sirf ek hi headphones khareedne ke paise hai, DONO recording aur mixing ke liye…
Yeh ek vikalp hai iss price range mein, jo apna vaada nibhate hain.
Aur naye updated model ke liye yahan dekhen: AKG K240 mkII.
Agla ek aur “semi-open” model hai, inse bhi sasta…
4. Samson SR850
Hazaaron varshon mein aapne kabhi nahi socha hoga…
Ki teen-chaar hazaar ke headphones studio ki sound quality kaise de sakenge…hai na?
Par review ke baad review yahi batate hain ki…
Samson SR850 apni kimat se jyada ka mulya deta hai.
Sach hai…aapne inka naam shaukeenon se sunna toh nahi hoga…
Phir bhi SR850 mein kaafi saare features hai jo adhik daamon ke headphones mein bhi paaye jaaten hain.
Agar aapko paison ki tangi hai, SR850 se behter sauda nahi.
Aakhir mein, hum uss pal pe aa pahunche, jiska hum sab ko intezaar tha…
Woh high-end models. Shuruaat karten hai…
5. Shure SRH1840
Kya aapne kabhi music ko ek BAHUT hi achhe headphones se suna hai?
Agar nahi, toh yeh aapke liye ek bahut asaamnya anubhav hoga. Iske jaisa kuch nahi.
Aap kabhi nahi soch sakte ki inti BHARI, KURKARI awaaz itne chote speakers se aa rahi hai.
Par jab aap ek baar inhein sunn lete hain, toh aap samjh jayenge ki ek sach-much ke behtereen headphones ki awaaz kaise hoti hai.
Inmein kshamta ke sabse behter headphones hain…
Shure SRH1840.
Saalon se ek standard hain shaukinon ke liye, yeh headphones sabse acche vikalp hai unn logon ke liye jo apne pehle unnche-sire ke anubhav ki talaash mein hain.
Ab jitne hi mushhoor SRH1840 hain, woh pheeke pad jaatein hain, inn dusre headphones ke nazariye mein…
6. Sennheiser HD 650
Agar koi ek headphones hai duniya mein, jo apni behtereen awaaz ke liye jaane jaatein hain…
Woh hai Sennheiser HD 650.
Ek purana pasandida, shaukeenon aur pro audio sangathanon mein…
Inn headhphones par shayad sabse jyada reviews likhe gaye hain kisi bhi aur model se jyada.
Aur yeh KHAASKAR prabhavshaali hai kyunki yeh kisi bhi manyata se saste nahi.
Inko maine bahut der se istemaal kiya hai, aur mere liye inki pasandida khaasiyat hai inke ear cups…
Dusre headphones ke muqabule mein inki elliptical design aur ghehri padding ek komal ehsaas deti hai kanoon mein.
Aapne inse jyada aaraamdayak headphones shayad hi kabhi pehne hongen.
Toh ab humari aakhri pasand ke liye, maine Studio Headphones ke Baap ko Bachakar Rakha hai…
7. Sennheiser HD 800
Sennheiser ke prasidhh open back HD headphones ki line mein…
Inn kuch saalon mein inmein bahut updates kiye gaye hain.
- Pehle tha classic HD600…
- Phir, jaisa ki humne dekha, behter HD650…
- Uske baad aaya jyadatar nakamiyaab HD700 …
Par apni aakhri koshish mein, unhone banaya lagbhag sampoorn Sennheiser HD800.
Naye hone ke baavajood inki lokpriyata bahut jald hi badh rahi hai…
Aur mera andaaza hai ki, inki prathishta classic HD650 se bhi jyada aage badh jayegi.
Iski vajah hai:
Inki itni badi keemat ke bavajood, in par phir bhi bahut saare acche reviews likhe gaye hai santusht grahakon dwara.
Aur un reviewers ne, jinhone HD600 or HD650 se upgrade kiya hai…
Jyadatar logon ka manana hai ki…HD800 DONO se behter hai, kaafi hadd tak.
Agar aapko SABSE BADHIYA chahiye…toh main inki khaas sifarish karta hoon.
UPDATE: Inke naye updated aur inse bhi JYADA mehenge headphones ko yahan dekhiye:
- Sennheiser HD800 S – (Amazon)